Illoqarfimmik Inerisaaneq

Kommunimut pilersaarummut tapiliussatut 3B2-2 Inuussutissteqarfik Nukappikuluk, Nuuk

3 years tilbage

Aninagasaqarnermut Inuussutissarsiornermullu Ataatsimiititap juuniip 26-ianni 2021 aalajangerpaa, kommunimut pilersaarummut tapiliussatut siunnersuut 3B2-2  tamanut tusarniaassutigineqassasoq.

Siunertaa
Kommunimut pilersaarummut tapiliussassatut siunnersuut 3B2-2, Nuummi timmisartoqarfiup mittarfiata allilerneranut atatillugu iluarsiissutit tunngavigalugit suliarineqarpoq. Mittarfiup avannaatungaani aqquserngup allanngortinneqarnissaa naatsorsuutigineqarpoq, tassungalu ataatillugu immikkoortup ilaanut aqqut pilersinneqaqqissaaq.

Siuliini pineqartut malillugit iluarsiinissaq pillugu immikkoortup ilaanut killiliussat allanngortinneqarsimaneri pillugit nunaminertat atugassiissutigineqarsimasut matumuuna iluarsineqarput.

Immikkoortup atuuffii maannakkutut siunissami taamaaginnassapput, tassunga ilanngullugit suliffeqarfiit mingutsitsivallaartunut tunngasut (kapitali-5).

Tamanut oqallisissiaq
Pilersaarutitut siunnersuut piffissami 30. juunimiit 25. aggusti 2021-ip tungaanut tamanut tusarniutigineqassaaq.

Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.

Oqaaseqaatit akerliliissutillu Kommuneqarfik Sermersuumi tiguneqareersimassapput 25/08 – 2021 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl   

Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.

Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.

Pilersaarut uani atuarneqarsinnaavoq
Kommunimut pilersaarummut tapiliussamut siunnersuut kommunip nittartagaani uani tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.