Illoqarfimmik Inerisaaneq

Kommunimut pilersaarummut tapiliussatut 3A9-1 NUUSSUUP MANNGUA, NUUK siunnersuut

4 months tilbage

Aningaasaqarnermut Inuussutissarsiornermullu Ataatsimiititap 12. novembari 2021 ataatsimiinnermini aalajangerpaa Kommunimut pilersaarummut tapiliussatut siunnersuut 3A9-1 tamanut tusarniaassutigineqassasoq.

Siunertaq
Kommunimut pilersaarummut tapiliussassatut siunnersuummi 3A9-1-mi Nuussuarmi inuusuttunut utoqqarnullu naatsorsuussanik inissialiornissamut periarfissiisoqassasoq, taannalu marsip ulluisa aappaanni 2021-imi kommunalbestyrelsimit akuersissutigineqarpoq.

Pilersaarummi immikkoortup ilaa nutaaq 3A9 inissiaqarfittut siunertatut atugassiissutigineqassaaq, tassani katillugit utoqqarnut inuusuttunullu inissianut sanaartorfissat 12-it kiisalu qitiusoqarfimmik illumik ataatsimik sanaartorfissamik atugassiissuteqartoqassaaq. Quleriit sisamat tikillugit portutigisunik illuliortoqarsinnaavoq.

Najugaqartunut kiisalu avatangiisit qanittuanut sukisaarsaartarfiit pilersinneqassapput.

Tamanut oqallisissiaq
Siunnersuut sapaatip-akunnerini 8-ini tamanut tusarniaassutigisassanngorlugu saqqummiunneqassaaq, piffissami 24. novembari 2021 – 19. januaari 2022.

Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.

Oqaaseqaatit akerliliissutillu Kommuneqarfik Sermersuumi tiguneqareersimassapput januaari  19-at 2022 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl   

Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.

Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.

Pilersaarut uani atuarneqarsinnaavoq
Kommunimut pilersaarummut tapiliussamut siunnersuut kommunip nittartagaani tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.


PDF: Kommunimut pilersaarummut tapiliussatut 3a9-1 nuussuup manngua, nuuk siunnersuut