Aninagasaqarnermut Inuussutissarsiornermullu Ataatsimiititap juuniip 24-ianni 2021 aalajangerpaa, kommunimut pilersaarummut tapiliussatut siunnersuut 3A8-4 tamanut tusarniaassutigineqassasoq.
Siunertaa
Kommunimut pilersaarummut tapiliussami siunertaavoq, sanaartukkat aaqqissugaanerat attatiinnarneqarnissaa, suli ataqatigiissaarluarnerunissaa assigiissaarneqarnissaallu, kiisalu inissiaqarfiup ineriartortinneqarnerata attanneqarsinnaasuunissaanut pilersaarusiornermi tunngavissaqarnissaq.
Kommunimut pilersaarummut tapiliussami ilanngunneqarpoq, immikkoortup ilaata 3A8-p allineqarnissaa kiisalu sanaartorfissat 6-it nutaat ilaqutariinnut ataatsinut illunut atugassanngortinneqarnissaat, taakkunannga ataaseq najugaqarfissatut. Taamatut allilerinissaq kiisalu sanaartorfissat inissisimaffii aamma immikkuualuttumi C-mi uiguleriiaat alliffissarisinnaasaat ilanngussaq 2-mi takuneqarsinnaapput.
Kommunimut pilersaarummut tapiliussakkut ugguuna immikkoortup ilaani immikkuualuttoq E allineqarpoq, sumiiffiup avannamut kitaatungaa sissap killeqarfiata tungaanut aamma Nuup Kangerluanut kiisalu kujammut kangiatungaa sisoraatinik arpattarfiup tungaanut sammerngani immikkuualuttoq B allineqarpoq.
Tamanut oqallisissiaq
Pilersaarutitut siunnersuut piffissami 07. juulimiit 01. septembari 2021-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi tiguneqareersimassapput septembari 01-at 2021 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Kommunimut pilersaarummut tapiliussamut siunnersuut kommunip nittartagaani uani tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.