Illoqarfimmik Inerisaaneq

Kommunimut pilersaarummut tapiliussatut 3A3-9 kangillinnguit, Nuuksiunnersuut pillugu

3 months tilbage

Aninagasaqarnermut Inuussutissarsiornermullu Ataatsimiititap septembarip 26-ianni 2023 aalajangerpaa, kommunimut pilersaarummut tapiliussatut siunnersuut 3A3-9 tamanut tusarniaassutigineqassasoq.

Siunertaa

Kommunimut pilersaarummut tapiliussaq una suliarineqarpoq, immikkoortumi ullutsinnut naleqquttunik aalajangersagaliornissaq siunertaralugu, taamaalilluni ineqarfissatut pilerinartuuniassammat.

Kommunimut pilersaarummut tapiliussap imarai immikkoortumi pitsaassutsinut nassuiaat kiisalu inissiat qanoq allilersinnaanerannut aalajangersakkat siunissamullu qularnaarineq, illut ilusaat tamaaniittut ilisarnaataat immikkut isiginiarlugit. 

Aamma utoqqaat illuat sanaartorfissat marluk atortussanngortinneratigut allilerneqarsinnaanissaa pisinnaalissaaq. 

Pilersaarummi siunertat tunngaviillu:

  • Immikkoortumut 3A3-mut kommunimut pilersaarummik tapiliussamut ullutsinnut naleqquttumik ataatsimut aaqqiinissaq.
  • Piginneqatigiilluni kiisalu nammineq inissiat pioreersut allilerfissaqarnissaannut periarfissiinissaq, taamaasilluni immikkoortoq tamanna siunissamut qulakkeerneqarniassammat.
  • Immikkoortup pitsaaqutai sumiiffimmilu illuliortaaseq attatiinnarneqassasut nukittorsarneqarlutillu  qulakkeerneqassasoq – matumani oqinnerusumik illuliortaaseqarneq, annertussuseq, qaliat sivingasut, illut silatai nallersuuttut, qalipaatit atortullu.
  • Eqiterinissamut najoqqutassamut tunngavissaliortoqassasoq, silamilu nunaminertanut tunngasunik aalajangersaasoqassasoq, matumani quinik nutaanik sanaartorneq, aneerasaartarfinnik alliliineq naatsiivilersuinerlu.
  • Immikkoortumi killiliussap allanngortinnissaa utoqqaat illuata allilernissaa pisinnaaqqullugu.

Tamanut oqallisissiaq

Pilersaarutitut siunnersuut piffissami 4. oktobarip – 29. novembarip 2023-ip tungaanut tamanut tusarniutigineqassaaq.

Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.

Oqaaseqaatit akerliliissutillu Kommuneqarfik Sermersuumi tiguneqareersimassapput novembarip 29-at 2023 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl   

Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.

Inatsisinut tunngasut

Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.