Illoqarfimmik Inerisaaneq

Kommunimut pilersaarummut tapiliussatut 3A3-8 Ammassat, Nuuk siunnersuut

3 months tilbage

Aningaasaqarnermut Inuussutissarsiornermullu Ataatsimiititap ulloq 11. novembari 2020-mi aalajangerpaa, kommunimut pilersaarummut tapiliussassatut siunnersuut 3A3-8 tamanut tusarniaassutigineqassasoq.

Siunertaa

Matumani kommunimut pilersaarummut tapiliussami siunnersuummi immikkoortoq Ammassat, immikkuualuttoq 3A3-mi pioreersumi immikkuualuttoq A, Paarnani inissiaqarfik pineqarpoq.

Siunnersuummi alliliinissamut, naqqup-ilui, qaliat kiisalu quit inissiamut siunertanut inissianut atasut, matumani igalaanut, matunut qalianilu igalaanut sukannersumik aalajangersagartallit, periarfissiissutigineqarpoq. Tamatuma saniatigut aneersuartarfiit aneerasaartarfiillu allilerneqarnissaanut aalajangersakkat oqaasertalersorneqarput. Taakku tamarmik tamakkiisumik naliliineq tunngavigalugu suliarineqarput, matumani immikkoortumut tamakkiisumut pilersaarut isikkualu ataqqineqarlutillu attatiinnarneqassapput.

Sanarfinermut Avatangiisinullu Ingerlatsiviup siunnersuummi immikkoortup suli orniginartutut ineriartortinneqarnissaa qulakkeerneqartoq kiisalu illuliortaaseq immikkuullarissoq tamakkiisorlu attatiinnarneqassasoq. Ingerlatsiviup nalilerpaa siunnersuut atorlugu illoqarfiup pitsaasumik ineriartortinneqarnissaa Illuliortaatsikkut politikkimi akuerisat malillugit pissasoq aammalu kommunimut pilersaarut Sermersooq2028.

Tamanut oqallisissiaq

Siunnersuut sap. ak. arfinilinni piffissami 18. novembari 2020-miit 13. januaari 2021-mut tamanut tusarniaassutigineqassaaq.

Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.

Oqaaseqaatit akerliliissutillu Kommuneqarfik Sermersuumi tiguneqareersimassapput januaari 13-at 2021 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl   

Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.

Inatsisinut tunngasut

Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.

Pilersaarut uani takuneqarsinnaavoq

Kommunimut pilersaarummut tapiliussaq Nunatta atuagaateqarfiani atuarneqarsinnaavoq, kommunip saaffiginnittarfiani pissarsiarineqarsinnaalluni, kommunip nittartagaani aaneqarsinnaalluni www.sermersooq.gl imaluunniit Sanarfinermut Avatangiisinullu ingerlatsivimmut uunga sianerluni 36 74 34 saaffiginninnikkut pissarsiarineqarsinnaalluni.