Aninagasaqarnermut Inuussutissarsiornermullu Ataatsimiititap juuni 20-ianni 2023 aalajangerpaa, kommunimut pilersaarummut tapiliussatut siunnersuut 30D6 tamanut tusarniaassutigineqassasoq.
Siunertaa
Immikkoortoq ullumikkut sanaartorfioqqusaanngitsutut, sukisaarsarfittut immikkoortutut toqqagaavoq atorneqarnissaa pinngortitaassutsimisut ittuussasoq aalajangersagaalluni. Immikkoortumi illoqarpoq 3-nik, tamarmik kuup qanittuani inissisimapput, taamaalillunilu illoqarfittut inissisimavoq. Pingaarnertut aalajangersakkat nutaat pillugit siunnersuummi immikkoortoq sukisaarsarfissatut aalajangersimaneqaannarpoq, kisianni periarfissiisoqarpoq illut pioreersut allanngortinneqarsinnaanerinut, tassunga ilanngullugu akunnittarfittut siunertalinnut. Ullumikkut Kommunimut pilersaarummi, immikkut pisoqartillugu, immikkoortoq D-mi akunnittarfiliorsinnaaneq illuaraliorsinnaanerlu periarfissaavoq, immikkoortullu ilaata pingaarnertut aalajangersagartaanik allannguineq taamaalilluni naapertuutilissaaq.
Sumiiffimmi illut pioreersut ilaat ullumikkut nungullarsimapput atorneqaratillu. Illuutigineqartut siunertanut allanut atorneqartussanngorlugit allanngortinneqarnerisigut sumiiffiup sukisaarsarfissatut naleqarnera qaffatsinneqassaaq aammalu suliffinnik isumalinnik pilersitsinissaq annertusaaqataaffigissallugu.
Sanaartukkat pingaannginnerit naleqquttuusinnaapput, naatitsiviit, ikaat, qimminut illuaqqat assigisaallu, sukisaarsartarfittut siunertanut ilaatinneqartut.
Tamanut oqallisissiaq
Pilersaarutitut siunnersuut piffissami 5. juulip – 30 aggustip 2023-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi tiguneqareersimassapput aggustip 30-at 2023 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Kommunimut pilersaarummut tapiliussamut siunnersuut kommunip nittartagaani www.sermersooq.gl-imi tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.