Aninagasaqarnermut Inuussutissarsiornermullu Ataatsimiititap maajiip 14-ianni 2020 aalajangerpaa, kommunimut pilersaarummut tapiliussatut siunnersuut 1C8-7 tamanut tusarniaassutigineqassasoq.
Siunertaa
Pisortani ataatsimoorussamik ikuallaaviliornissamut periusissamut atatillugu Kommunimut pilersaarummi uani siunissami ikuallaavissap Qeqertani inissinneqarnissaanut tunngavissat saqqummiunneqarput.
Immikkoortoq pilersaarusiorfigineqartoq kusanartumi aamma Nuummiit erseqqissumi inissisimavoq.
Aallaavittut immikkoortup isigiuminarpallaanngitsutut suliffissuaqarfippalaartutullu isikkoqarnissaa naatsorsuutigisariaqarpoq. Taamaattumik immikkoortup ataqatigiissumik assiaqutserneqarnissaa piumasarineqassaaq. Immikkoortumut assiaqutissaq eqqarsaatigalugu siunnersuutigineqarpoq, sanaartukkap ilusaata aamma sanaartukkamut atortussanik toqqaanermi assiaqutissaa ilanngutereerneqassasoq taamaalilluni pilersaarut imminut ataqatigiinnerusutut isikkoqartinneqassammat.
Tamanut oqallisissiaq
Pilersaarutitut siunnersuut piffissami 20. maajimiit 1. juuli 2020-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi tiguneqareersimassapput juuli 1-at 2020 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani takuneqarsinnaavoq
Kommunimut pilersaarummut tapiliussaq Nunatta atuagaateqarfiani atuarneqarsinnaavoq, kommunip saaffiginnittarfiani pissarsiarineqarsinnaalluni, kommunip nittartagaani aaneqarsinnaalluni www.sermersooq.gl imaluunniit Sanarfinermut Avatangiisinullu ingerlatsivimmut uunga sianerluni 36 74 34 saaffiginninnikkut pissarsiarineqarsinnaalluni.