Aninagasaqarnermut Inuussutissarsiornermullu Ataatsimiititap 17.03.2022 aalajangerpaa, kommunimut pilersaarummut tapiliussatut siunnersuut 2D2-2 tamanut tusarniaassutigineqassasoq.
Siunertaa
Matumani kommunimut pilersaarummut tapiliussassaq immikkoortup sanaartorfigineqannginnissaa aamma sunngiffimmut atorneqarnissaa attassiinnarpoq (D), tassaniissinnaappullu sunngiffimmut atortut sukisaarsarfillu (D2). Immikkoortulli immikkoortumi killilerneqarnera nutarterneqassaaq, peqatigitillugulu immikkuualuttunut A-mut aamma B-mut avinneqarluni.
Matumani kommunimut pilersaarummut tapiliussami, 2D2-2, Iggiaa, sanaartorfissat marluk nunniornissamut talittarfiliornissamullu atugassiissutigineqarput. Saniatigut ikaartarfinnik puttasunik kiisalu biilinut uninngasarfeqarnissamik periarfissaqassaaq .
Matumani kommunimut pilersaarummut tapiliussami immikkuualuttut marluk sanaartorfissanngortinneqartut:
- Immikkuualuttoq A ikaartarfinnut puttasunut talittarfimmullu atugassanngortinneqarpoq.
- Immikkuualuttoq Bnunniugassanngortinneqassaaq, umiatsianut puttasunut, talittarfimmut kiisalu biilinut uninngasarfissamut atugassanngortinneqarpoq.
Immikkoortup ilaani 2D2-mi sanaartorfissiat marluk atugassanngortinneqarput, taakkulu tulliuttumi erseqqinnerusumik ima nassuiarneqartut:
- B1: Talittarfissamut nutaamut atugassanngortinneqarpoq, siunissami umiatsianut puttasut pilersinneqarnissaannut aqqutissiuisumik.
- B2: Nunniorfissanngortinneqarpoq.
Tamanut oqallisissiaq
Pilersaarutitut siunnersuut piffissami 31.03.2022 – 26.05.2022 tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi tiguneqareersimassapput 26.05.2022 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Kommunimut pilersaarummut tapiliussamut siunnersuut kommunip nittartagaani, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.