Aninagasaqarnermut Inuussutissarsiornermullu Ataatsimiititap 03.02.2022 aalajangerpaa, kommunimut pilersaarummut tapiliussatut siunnersuut 1C30-4 tamanut tusarniaassutigineqassasoq.
Siunertaa
Kommunimut pilersaarummut tapiliussaq suliarineqarpoq, inissianik eqimasunik-pukkitsunik quleriinnillu sanaartornissap periarfissiuunnissaanik aalajangersaanissaq, kiisalu suliffeqarfiit, pisortat namminersortullu kiffartuussivii annikitsumillu inuussutissarsiuteqarsinnaaneq tulluussarlugit
periarfissiuunneqarnissaat siunertaralugu. Kommuneqarfik Sermersuup pingaarnertut anguniagaraa, Nuummi illoqarfiup ineriartortinneqarnissaa illoqarfiup pioreersup eqiteriffigineratigut. Taamaaliornikkut illoqarfiup pitsaassusia pigiinnarneqassaaq, aamma illoqarfimmi nunaminertat, attanneqarsinnaasumik aamma aningaasaqarnikkut, pitsanngorsaavigineqassapput. Nuummi maannakkut inissaaleqineq qaangerniarlugu pisortat inissiaataat ukiumut 100-t sanaartorneqartassasut politikkikkut aalajangerneqarnikuuvoq.
Immikkoortoq napillugu, Tuujuup aqqutaa kusserngalu sinerlugit, pilersaarutaavoq tamanna qaffanneqassasoq
sukisaarsarfiusinnaasorlu pioreersoq annertusitinneqarnissaa, immikkoortumut tamarmut qorsuttaqarfinngortinneqartumik.
Iliveqarfik sanaartorfigineqassanngilaq.
Tamanut oqallisissiaq
Pilersaarutitut siunnersuut piffissami 14.02.2022 – 11.04.2022-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi tiguneqareersimassapput apriili 11-at 2022 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Kommunimut pilersaarummut tapiliussamut siunnersuut kommunip nittartagaani www.sermersooq.gl-imi tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.