Aninagasaqarnermut Inuussutissarsiornermullu Ataatsimiititap novembariip 14-ianni 2019 aalajangerpaa, kommunimut pilersaarummut tapiliussatut siunnersuut 1C16-2 tamanut tusarniaassutigineqassasoq.
Siunertaa
Kommunimut pilersaarummut tapiliussami immikkuualuttoq qitiusoqarfimmut siunertanut atugassiissutigineqarpoq, tassani ataatsimut atuuffinnut, inissianut suliffeqarfinnut il.il. pilersitsinissaq periarfissiissutigineqarpoq. Kommunimut pilersaarummut tapiliussami siunnersuummi matumani sumiiffiup pingaarnertut atuuffissaa attatiinnarneqassaaq, taamaattorli immikkoortup ilaa 1C36 atuukkunnaassalluni aamma nunaminertaq immikkoortup ilaanut 1C16-imut ilanngunneqassaaq, tassanilu ataatsimut pilersaarusiornermut ilaalissalluni.
Siunnersuummi immikkoortoq immikkuualuttunut tallimanut agguarneqarpoq, tassani immikkoortunut C & E-mut sukumiisumik aalajangersakkat nutaat nassuiaasersorneqarput. Immikkuualuttut A, B & D-nut tunngatillugu aalajangersakkat pioreersut atuuttut nuunneqarput, taamaaliornikkut immikkoortumut pilersaarummut ataatsimut ataatsimoortinneqarput.
Immikkuualuttoq C: Siunnersuummi B-1198-ip toqqaviani nutarterinissamut periarfissanitsitsivoq (KNR-itoqaq), taamaalilluni sanaartorfissanut atugassiissummi quleriit 5-it tikillugit nutaanik sanaartorfissamik pilersitsisoqarsinnaavoq.
Immikkuualuttoq E: Siunnersuummi ilaqutariinnut ataasiakkaanut illut pioreersut akornanni sanaartorfissanik atugassiisoqarpoq, taamaalilluni alliliinissamut periarfissaqalerluni. Taamaattorli, nuna apeqqutaatillugu, illup ataatsimut toqqavia 150 m2-it, quleriit 1 ½-it, naqqup-ilualu atorlugu, qaangersimassanngilaa.
Tamanut oqallisissiaq
Pilersaarutitut siunnersuut piffissami 27. novembarimiit 22. januari 2020-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi tiguneqareersimassapput januari 22-at 2020 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani takuneqarsinnaavoq
Kommunimut pilersaarummut tapiliussaq Nunatta atuagaateqarfiani atuarneqarsinnaavoq, kommunip saaffiginnittarfiani pissarsiarineqarsinnaalluni, kommunip nittartagaani aaneqarsinnaalluni www.sermersooq.gl imaluunniit Sanarfinermut Avatangiisinullu ingerlatsivimmut uunga sianerluni 36 74 34 saaffiginninnikkut pissarsiarineqarsinnaalluni.