Illoqarfimmik Inerisaaneq

Kommunimut pilersaarummut tapiliussatut 1C12-5 Aqutsisoqarfik, Nuuk siunnersuut

4 years tilbage

Aninagasaqarnermut Inuussutissarsiornermullu Ataatsimiititap juuni 25-ianni 2020 aalajangerpaa, kommunimut pilersaarummut tapiliussatut siunnersuut 1C12-5 tamanut tusarniaassutigineqassasoq.

Siunertaa

Kommunimut pilersaarummut tapiliussamut siunnersuutip siunertaraa Nuuk Centerip quleriinnik marlunnik allilerneqarsinnaanissaa, kiisalu inissialiornissaq arfineq-marlunnik quleriilimmik.

Kommunimut pilersaarummut tapiliussamut siunnersuut Blok 1-imik ingutserinissamut periarfissaqalersitsivoq, taamaasilluni centerip allilerneqarnissaanut inissaqalissalluni, tassungalu atasussanik biilit uninngasarfissaannik.

Sanaartugaq immikkoortup isikkuanut pitsaassusaanut, soorlu illoqarfiup niuertarfiinnut allaffeqarfiinullu  tulluarsagaassaaq. Najugaqarfinnullu eqqaaniittunut ataqatigiittumik sananeqassalluni, pingaartumillu Nuup illoqarfiata ineriartorneranut ilanngussissalluni.

Tamanut oqallisissiaq

Pilersaarutitut siunnersuut piffissami 01. juulimitt 12. aggusti 2020-ip tungaanut tamanut tusarniutigineqassaaq.

Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.

Oqaaseqaatit akerliliissutillu Kommuneqarfik Sermersuumi tiguneqareersimassapput aggusti 12-at 2020 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl   

Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.

Inatsisinut tunngasut

Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.

Pilersaarut uani takuneqarsinnaavoq

Kommunimut pilersaarummut tapiliussaq Nunatta atuagaateqarfiani atuarneqarsinnaavoq, kommunip saaffiginnittarfiani pissarsiarineqarsinnaalluni, kommunip nittartagaani aaneqarsinnaalluni www.sermersooq.gl imaluunniit Sanarfinermut Avatangiisinullu ingerlatsivimmut uunga sianerluni 36 74 34 saaffiginninnikkut pissarsiarineqarsinnaalluni.