Aninagasaqarnermut Inuussutissarsiornermullu Ataatsimiititap decembari 15-ianni 2022 aalajangerpaa, kommunimut pilersaarummut tapiliussatut siunnersuut 19B1 ammaa 19B2 tamanut tusarniaassutigineqassasoq.
Siunertaa
Kommunimut pilersaarummut tapiliussami Qeqertarsuatsiaani Inuussutissarsiorfik umiarsualiveqarfittullu immikkoortortat marluk pioreersut pineqarput: 19B1 Qeqertarsuatsiaani Inuussutissarsiorfik umiarsualiveqarfittullu immikkoortortaq killeq aamma 19B2 Qeqertarsuatsiaani Inuussutissarsiorfik umiarsualiveqarfittullu immikkoortortaq avannarleq. Immikkoortup ilaa kitaatungaaniittoq 19B1, katillugu 3,2 ha -mik annertussuseqarpoq aamma immikkoortup ilaa avannarleq, 19B2 ilaneqassaaq katillugu 0,6 ha missaannik annertussuseqalissaaq.
Immikkoortup ilaa 19B1
Immikkoortup ilaani 19B1-imi talittarfimmiittut pitsanngorsarneqassapput saputiliinikkut / malinnullu assiaqutiliinikkut, puttasunik amerlanerusunik inissiinikkut aammalu talittarfiup allineqarneratigut.
Immikkoortup ilaa 19B2
Inuussutissarsiuteqarfiit annertunerusut aalisakkerivik ilanngullugu kissaatigineqarput immikkoortup ilaani 19B2-miissasut. Tamatumuuna periarfissiiffiussaaq talittarfeqarfiup allineqarnissaa aammalu sanaartorfissamik anginerusumik nunaminertaliisoqarnissaa. Ilassutigalugu talittarfeqarfiup allineqarnissaanut nunaminertaliisoqassaaq.
Tamanut oqallisissiaq
Pilersaarutitut siunnersuut piffissami 04. januaarimut 01. marsi 2023-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi tiguneqareersimassapput marsi 01-at 2023 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Kommunimut pilersaarummut tapiliussamut siunnersuut kommunip nittartagaani tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.