Aningaasaqarnermut Inuussutissarsiornermullu Ataatsimiititap 21. marsi 2023-mi ataatsimiinnermini aalajangerpaa Kommunimut pilersaarummut tapiliussatut siunnersuut 1A3-3 tamanut tusarniaassutigineqassasoq.
Siunertaa
Kommunimut pilersaarummut tapiliussaq una suliarineqarpoq, immikkoortumi ullutsinnut naleqquttunik aalajangersagaliornissaq siunertaralugu, taamaalilluni ineqarfissatut pilerinartuuniassammat. Matumani kommunimut pilersaarummut tapiliussami immikkoortup ilaa avannamut Saqqarliit aamma Noorlernut akornanni kiisalu iliveqarfiup avannaatungaa allilerneqassaaq, tamatumalu kingunerisaanik immikkuualuttut iluarsineqassallutik.
Immikkuualuttoq A siammasissunik pukkitsunik inissianik sanaartorfissatut atugassiissutigineqarput, quleriit 1,5-it tikillugit, annerpaamik tunngaviup nunaminertarissavaa 120 m2. Ungasissusissamut piumasaqaat tunngavigalugu inissiat tamarmik tunngaviup nunaminertaata annerpaaffissaannut allilerneqarnissaat periarfissaqanngillat. Immikkuualuttoq B akulikitsunik pukkitsunik inissianik sanaartorfissatut atugassiissutigineqarput, quleriit 2,5-it tikillugit. Immikkuualuttoq B-mi illut uiguleriit tallimaanit pingasut isatereerput uiguleriillu kingulliit marluk isaterneqarnissaannut pilersaarutaareerlutik. Kommunimut ilersaarummut tapiliussami maanna siusinnerusukkulluunniit uiguleriit inissiat inissisimaffianni nutaanik sanaartorfissanik atugassiisoqarpoq. Uiguleriinnik nutaanik sanaartornermi aalajangersakkat tunngavigalugit eqqaaniittunut illunut sanaartorfinnut tulluartuunissaat qulakkeerneqassaaq.
Tamanut oqallisissiaq
Siunnersuut tamanut tusarniaassutigisassanngorlugu sapaatip-akunnerini 8-ni saqqummiunneqarpoq, piffissami 30. marsi – 25. maaji 2023.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi ulloq 25. maaji 2023 nallertinnagu tiguneqareersimassapput, nassiunneqassappullu uunga Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunnit mailikkut: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Kommunimut pilersaarummut tapiliussamut siunnersuut kommunip nittartagaani www.sermersooq.gl-imi tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.