Siunertat tunngaviillu
Nuummi innuttaasut ukiuni aggersuni amerleriarnissaat naatsorsuutigineqarpoq, taamaattumik pitsaasunik tamatigoortunillu nutaanik inissiaqarfiliornissaq inissaqarnissamullu periarfissaqarnissaq pisariaqarput. Kommunimut pilersaarummut tapiliussamut peqqutaavoq kommunip, Nuummi inissaaleqineq pioreersoq iliuuseqarfiginiarlugu aamma illoqarfiup ilaani inissiaqarfinnik asigiinngitsunik najugaqarfissalimmik kajuminnartumik pilersitsinissamik kissaateqarnera. Ilaqutariinnut illuliorfissanik aamma namminersorluni piginneqatigiilluni inissiaatit minnernik pilersitsivissatut nunaminertanik pissarsiniarnerit annertuut nalaanneqarput.
Qinngorput illoqarfiup ilaatut atasutut ineriartortitseqqinneqarnissaa suli ingerlanniarneqarpoq. Taamaammat kommunimut pilersaarummut tapiliussamut uani pilersaarummi, immikkoortup pilersaarummut pingaarnermut ilaanissaanik qularnaarissaaq. Kommuneqarfik Sermersuumi kommunalbestyrelsip 2016-mi kommunimi illuliortaatsimut politikki atulersippaa, taanna ilaatigut illoqarfiup qanoq ineriartorneranut pitsaasumik tamatigoortumillu inissiaqarfinnik pilersitsinissamut iluaqutaasussaq. Illuliortaatsimi politikkeqarnerup illoqarfiup illuliornikkut, nunataatigut aamma sukisaarsarfissaqarnissamut periarfissanut takorluukkat nutaanik sanaartornermi inissiaqarfinnillu ineriartortitsinerit iluaqusissagai uannga kommunimut pilersaarummut tapiliussinermi kissaatigineqarpoq. Immikkoortup ilaa assigiinngitsunik inissialiorfimmut, ilaqutariinnut najugassiat pukkitsut, illut quleriit atasunut affarleriinnullu inissinneqarpoq.
Pilersaarummut tapiliussamut siunertaapput tunngaviullutillu:
- Illoqarfiup 4A8-mi ineriartornissaa, ilaqutariinnut illunullu atasunut sanaartorfimmut inissiinissaq piviusunngortissinnaanissaa.
- Sanaartorfiup isikkivik, aqqutit, nunap ilusaa sumiiffiullu qanoq issusaa eqqarsaatigalugit inissinneqarnissaa.
- Aqqusernernut, aqqutinut, inissiivinnut ataatsimoorfinnullu nunatanik inissiinissaq.
- Sanaartornerit sumiiffiup nunataata pitsaassusaanut naleqqunnissai qularnaarniarlugu.
- Sumiiffik aqqusaarlugu sinersilluni aqqutiliortoqarnissaanut periarfissiinissaq.