Illoqarfimmik Inerisaaneq

Kommunimut pilersaarummut tapiliussaq 1C8-7, Nuummii illoqarfiup qeqqa- Oles Varehus

2 years tilbage

Siunertaa tunngaviilu

Ukiuni kingullerni Nuuk annertuumik ineriartortinneqarpoq, illoqarfimmi sanaartorfiusunilu ataavartumik nutarteriffigineqartuartumi. Ineriartornerup nuttartullu amerlineranni, illoqarfiup pitsaassusaanik neqeroorutinillu nutaanik annertunerusunillu suli piumasaqaateqarpoq. Kommunimut pilersaarummut tapiliussami nutaamik immikkuualuttumik A matumani pilersinneqarpoq, immikkoortumi 1C8-mi, illoqarfiup qeqqani.

Kommunimut pilersaarummut tapiliussap periarfissanitsippai:

  • Sanaartugassat, tassa inissiat, hotelit, pisiniartarfiit kiisalu inuussutissarsiornermut siunertaqartut sanaartorfissinnissai.
  • Illorsuarmik portusuumik qulinik quleriilimmik Imanermi illorsualiornissaq, tak. Kommuneqarfik Sermersuup portusuunik inissialiortitsineranut suleriusia.

Kommunimut pilersaarummutta piliussami qulakkeerneqassaaq:

  • Sanaartukkanut attuumassutilinnut biilit uninngasarfii pisariaqartut pilersinneqarnissaat.
  • Sanaartukkamut tassungalu atasunut tunngavissanik aalajangersaasoqarnissaq, immikkoortup tamakkiisumik isikkoqarnissaa anguniarlugu.

KOMMUNIMUT PILERSAARUT SUNAANA?

ommunip pilersaarutaa ataavartumik ingerlasuuvoq, taamaattorli Kommunalbestyrelse inatsisit pisariaqartitsineq naapertorlugit (Pilersaarusiorneq aamma nunaminertat atorneqartarnerat pillugit Inatsisartut inatsisissaat nr. 17, 17. november 2010-imeersoq) pisussaaffeqarpoq kommunip pilersaarutai nalunaarsussallugit. Taamatut malinnaatitsisarnermi pilersaarummut tapiliussamut attuumassutilimmik pilersaarummi allannguuteqartoqartillugu imaluunniit ilanngussisoqartoqartillugu ingerlaavartumik isumagineqartarpoq.

Kommunalbestyrelse kommunimut pilersaarummut tapiliussamik nunaminertamik atuinissamut sanaartukkanullu tunngasunik aalajangersagartalimmik taamaalilluni sukkulluunniit suliaqarsinnaatitaavoq. Taamaattorli taakku saniatigut Kommunalbestyrelse pisussaalluni, sukumiisumik aalajangersagartalimmik kommunimut pilersaarummut tapiliussaliussalluni:

  • Nuna tamakkerlugu pilersaarusiornerup kommunillu pilersaarusiornerata piviusunngortinnissaanut qulakkeerinissaq pisariaqaraangat.
  • Sanaartugassanik imaluunniit sulianut annerusunut pingaaruteqartunulluunniit nunaminertamik atugassiinnginnermi.
  • Sanaartukkanik anginerusunik pingaaruteqarnerusunilluunniit isaterilinnginnermi.

Kommunimut pilersaarummut tapiliussaq marlunnik imikkoortortaqarpoq, NASSUIAATITAA aamma AALAJANGERSAGARTAA .

  • NASSUIAAMMI KOMMUNIMUT PILERSAARUMMUT tapiliussami siunertat inatsisitigullu sunniutit aamma pilersaarut pilersaarusiornernut allanut sanilliullugu qanoq inissisimanersoq nassuiarneqarput.
  • AALAJANGERSAGARTAA AALAJANGERSAKKANIK pilersaarummik piviusunngortitsinermi malinnaatitsissutigineqartussanik imaqarpoq. Aalajangersakkat pingaarnertut inissillugit allanneqarput aammalu aalajangersakkat sukumiisunngorlugit allanneqarlutik. Aalajangersakkat tamarmik inatsisinut pituttugaapput, taamaattorli pissutsini immikkut ittuni, aalajangersakkanit sukumiisunit immikkut akuersissummik tunniussisoqarsinnaavoq. Tamatuma saniatigut aalajangersagartaa inatsisitigut pituttuisunik ilanngussanik nunap assitaqarpoq.

TAMANUT SAQQUMMIUSSINEQ Kommunimut pilersaarummut tapiliussap inaarutaasumik akuerineqannginnerani kommunalbestyrelsip tapiliussassatut siunnersuut tamanut nalunaarutigissavaa, taamaalillutik innuttaasut soqutiginnittullu allat pilersaarutip imarisaanik paasiniaasinnaatillugit immaqalu aamma pilersaarut pillugu oqaaseqaateqarsinnaallutik akerliussuteqarsinnaallutilluunniit. Tamatuma kingorna pilersaarutip inaarutaasumik akuersissutigineqannginnerani Kommunalbestyrelsip akerliliissutaasinnaasut allannguutissatullu siunnersuutaasinnaasut nalilersussavai.

Kommunimut pilersaarummut TAPILIUSSAQ1C8-7 uani piffissami 05 juuni 2019-miit – 17 juuli 2019- mut tamanut tusarniaassutigisassanngorlugu saqqummiunneqarpoq. Oqaaseqaatit kingusinnerpaamik 17 juuli 2019-imi uunga nassiunneqassapput:

PLAN@SERMERSOOQ.GL

imaluunniit uunga :

 KOMMUNEQARFIK SERMERSOOQ

FORVALTNING FOR ANLÆG OG MILJØ

POSTBOKS 1005 3900 NUUK