Illoqarfimmik Inerisaaneq

Kommunimut pilersaarummut tapiliussaq 1C38 Qullilerfik, Nuuk

2 years tilbage

SIUNERTAA TUNNGAVIILU

Nuummi innuttaasut ukiuni aggersuni amerleriarnissaat naatsorsuutigineqarpoq, taamaattumik pitsaasunik tamatigoortunillu nutaanik inissiaqarfiliornissaq inissaqarnissamullu periarfissaqarnissaq pisariaqarput. Kommunimut pilersaarummut tapiliussap matuma siunertaa tassaavoq, immikkoortup ilaanik illoqarfiup qeqqani atuuffittalimmik nutaamik pilersitsinissaq. Nuummi inissaaleqineq akiorniarlugu nutaanillu inissiaqarfiliornissamik ineriartortitsinissaq, illoqarfimmi illuliortaatsip tungaatigut anguniakkat, nunap pissusaa sukisaarsartarfeqarnissarlu, ilaatigut Kommuneqarfik Sermersuup Illuliortaatsimut politikkiani allaaserineqarsimasut taperserniarlugit kommunimut pilersaarummut tapiliussaq suliarineqarpoq.

Kommunimut pilersaarummut tapiliussaq naapertorlugu inissialiornertalimmik illoqarfiullu qeqqani atuuffiliornertalimmik illoqarfimmik nutarsaanissamut periarfissiissaaq. Immikkoortumi mingutsitsineq imaluunniit nipiliorneq periarfissaajunnaassaaq.

Pilersaarummi siunertat tunngaviillu:

  • Immikkoortup ilaa O9-imik nutaamik immikkoortuliornissaq
  • Samuel Kleinschmidtip Aqqutaatigut illoqarfiup qeqqani atuuffinnut sanaartorfissaliornissaq.
  • Qullilerfimmi qaqqajunnap eqqaani sukisaarsarfinnut nunaminertat kulturikkullu eqqaaniutit ersarissarnissaat.
  • Atuuffiit pioreersut attannissaannut periarfissat qulakkeerneqarnissaat, kiisalu illoqarfiup ineriartortittuarnissaanut najoqqutassaliornissaq, ilaatigut suliap ingerlanneqarnerani illunik piginnittuusut/nunaminertanik atugassinneqareersimasut ingerlatsisuutinneqarlutik.
  • Katersortarfiup eqqaa illoqannginnersaq Imanermut tunngatillugu pilersaarummut tapertaassasoq pilerinartuussasorlu aamma uninngaarfiginissaanut periarfissaqarluassasoq.
  • Immikkoortup ilaatigut aqqusineeqqat pingaarutillit qulakkeerneassasut.

KOMMUNIMUT PILERSAARUT SUNAANA?

ommunip pilersaarutaa ataavartumik ingerlasuuvoq, taamaattorli Kommunalbestyrelse inatsisit pisariaqartitsineq naapertorlugit (Pilersaarusiorneq aamma nunaminertat atorneqartarnerat pillugit Inatsisartut inatsisissaat nr. 17, 17. november 2010-imeersoq) pisussaaffeqarpoq kommunip pilersaarutai nalunaarsussallugit. Taamatut malinnaatitsisarnermi pilersaarummut tapiliussamut attuumassutilimmik pilersaarummi allannguuteqartoqartillugu imaluunniit ilanngussisoqartoqartillugu ingerlaavartumik isumagineqartarpoq.

Kommunalbestyrelse kommunimut pilersaarummut tapiliussamik nunaminertamik atuinissamut sanaartukkanullu tunngasunik aalajangersagartalimmik taamaalilluni sukkulluunniit suliaqarsinnaatitaavoq. Taamaattorli taakku saniatigut Kommunalbestyrelse pisussaalluni, sukumiisumik aalajangersagartalimmik kommunimut pilersaarummut tapiliussaliussalluni:

  • Nuna tamakkerlugu pilersaarusiornerup kommunillu pilersaarusiornerata piviusunngortinnissaanut qulakkeerinissaq pisariaqaraangat.
  • Sanaartugassanik imaluunniit sulianut annerusunut pingaaruteqartunulluunniit nunaminertamik atugassiinnginnermi.
  • Sanaartukkanik anginerusunik pingaaruteqarnerusunilluunniit isaterilinnginnermi.

Kommunimut pilersaarummut tapiliussaq marlunnik imikkoortortaqarpoq, NASSUIAATITAA aamma AALAJANGERSAGARTAA .

  • NASSUIAAMMI KOMMUNIMUT PILERSAARUMMUT tapiliussami siunertat inatsisitigullu sunniutit aamma pilersaarut pilersaarusiornernut allanut sanilliullugu qanoq inissisimanersoq nassuiarneqarput.
  • AALAJANGERSAGARTAA AALAJANGERSAKKANIK pilersaarummik piviusunngortitsinermi malinnaatitsissutigineqartussanik imaqarpoq. Aalajangersakkat pingaarnertut inissillugit allanneqarput aammalu aalajangersakkat sukumiisunngorlugit allanneqarlutik. Aalajangersakkat tamarmik inatsisinut pituttugaapput, taamaattorli pissutsini immikkut ittuni, aalajangersakkanit sukumiisunit immikkut akuersissummik tunniussisoqarsinnaavoq. Tamatuma saniatigut aalajangersagartaa inatsisitigut pituttuisunik ilanngussanik nunap assitaqarpoq.

TAMANUT SAQQUMMIUSSINEQ

Kommunimut pilersaarummut tapiliussap inaarutaasumik akuerineqannginnerani kommunalbestyrelsip tapiliussassatut siunnersuut tamanut nalunaarutigissavaa, taamaalillutik innuttaasut soqutiginnittullu allat pilersaarutip imarisaanik paasiniaasinnaatillugit immaqalu aamma pilersaarut pillugu oqaaseqaateqarsinnaallutik akerliussuteqarsinnaallutilluunniit. Tamatuma kingorna pilersaarutip inaarutaasumik akuersissutigineqannginnerani Kommunalbestyrelsip akerliliissutaasinnaasut allannguutissatullu siunnersuutaasinnaasut nalilersussavai.

Kommunimut pilersaarummut tapiliussassatut siunnersuut 1C38 uani piffissami 5.juuni 2019-imiit 31. juuli 2019- imut tamanut tusarniaassutigisassanngorlugu saqqummiunneqarpoq. Oqaaseqaatit kingusinnerpaamik 31. juuli 2019-imi uunga nassiunneqassapput:

Plan@Sermersooq.gl

Imaluunniit uunga:

Kommuneqarfik Sermersooq

Sanarfinermut Avatangiisinullu Ingerlatsivik

Postboks 1005 3900 Nuuk