Sanarfinermut Avatangiisinullu Ingerlatsivik

Kommunimut pilersaarummut tapiliussaq 1C24-3 Nuukullak Mannguaq, Nuuk

2 years tilbage

Aningaasaqarnermut Inuussutissarsiornermullu Ataatsimiititaq 19.8.2019-imi ataatsimiinnerminni aalajangerput, ”Kommunimut pilersaarummut tapiliussaq 1C24-3 Nuukullak Mannguaq, Nuuk” sapaatit akunnerini arfinilinni tamanut tusarniutigineqassasoq.

Siunertaq

Kommunimut pilersaarummut tapiliussaq 1C24-3 Nuukullak Manngua, Nuuk pillugu siunertaq tassaavoq Kommunimut pilersaarummut tapiliussap pioreersup 1C24-2-mik nutarterineq, sanaartorfissat 1, 3.1 aamma 3.2 illunut atareersunut ungasissutsimut piumasaqaammik eqquutsitsinissaq kiisalu ledniningit nunamut assaatat illuliornermit aserfallallugit eqqorneqannginnissaat siunertaralugu. Sanaartorfissanut 1 aamma 2-mut quleriiaat amerlanerpaaffissaat 6-init 7-inut allanngortinneqarsimapput, taamaattorli kote 46,5 aamma 44,5 eqqarsaatigalugit quleriiaat amerlanerpaaffissaat allanngortinnagit.  Sanaartorfissaq 3.2-mut quleriiaat amerlanerpaaffissaat 3-nit 4-nut allanngortinneqarput, tassanilu illup portussusissaa kote 28-mit kote 35-nngortinneqarluni. Tamanna pivoq sanaartorfiusup avatangiisinut sunniutaasa annikillisimaneri tunngavigalugit.

Tamanut ammasumik oqallitsitsineq

Siunnersuut sapaatit akunnerini arfinilinni tamanut tusarniutigineqassaaq piffissami 28.8.2019 – 9.10.2019.

Piffissami tusarniaaffimi siunnersuut pillugu oqaaseqaateqartoqarlunilu akerliliisoqarsinnaavoq. 

Oqaaseqaatit akerliliissutillu Kommuneqarfik Sermersuumit tiguneqareersimassapput 9.10.2019 uungalu nassiunneqassallutik Sanaartornermut Avatangiisinullu Ingerlatsivik, Postboks 1005, 3900 Nuuk imaluunniit mailadressemut:  plan@sermersooq.gl

Kommunalbestyrelsip kommunimut pilersaarummut tapiliussaq inaarutaasumik eqqartulerunikku piffissaagallartillugu oqaaseqaatit akerliliissutilu tunniunneqarsimasut ilanngullugit eqqartussavaat.

Inatsisitigut atuutsitsineq

Kommunimut pilersaarummut tapiliussamut siunnersuut saqqummiunneqarpat, nunaminertat, illuutit sanaartukkallu siunnersuummi ilaareersut sanaartorfigineqassanngillat imaluunniit kommunimi pilersaarummut tapiliussami aalajangiunneqareersimasumut naapertuutinngitsumik atorneqassanngillat.

Pilersaarut uani atuarneqarsinnaavoq

Kommunimut pilersaarummut tapiliussaq kommunip nittartagaani www.sermersooq.gl tusarniaavimmi atuarneqarsinnaavoq, aamma kommunip innuttaasunik kiffartuussiviani imaluunniit Sanarfinermut Avatangiisinillu Ingerlatsivimmut oqarasuaat 36 74 00-mut saaffiginninnikkut pissarsiarineqarsinnaalluni.