Sanarfinermut Avatangiisinullu Ataatsimiititamit Eqqakkat pillugit malittarisassat nutartikkat tusarniaassutigineqarnissai 2023-mi apriilip ulluisa 27-anni akuersissutigineqarpoq. Malittarisassat innuttaasunut eqqakkanik pilersitsisartunut kiisalu inuussutissarsiuteqartunut suliffeqarfinnullu tamanut atuuppoq. Malittarisassat maannakkut inoqutigiinnit aamma inuussutissarsiortunit eqqakkat pillugit malittarisassanut 2021-meersunut taartaassapput.
Siunertaq
Eqqakkat pillugit Namminersorlutik Oqartussat nalunaarutaat nr. 3, 7. januar 2021-meersoq tunngavigalugu nutaanik malittarisassaqalerpoq. Kapitali 8 § 18 innersuussutigalugu Nunatsinni kommunalbestyrelsit malittarisassanik ataatsinik amerlanerusunilluunniit suliaqassapput, eqqakkat kommunimi atuisinnaatitaasunit pilersinneqartut katersorneqartarnerinut innersuunneqartarnerinullu aaqqissuussinernik allaaserisaqarfiusunik.
Naalakkersuisut piumasaqarnerat tunngavigalugu maanna kommunit inatsisip teknikikkut aaqqissuussaaneranut allaffissornikkullu najoqqutassat pillugit malittarisassat nutaat malissavaat. Nutaatut malittarisassat maanna §-eqalerput, taamaalilluni nalunaarutigineqarsinnaalerput atuutilersinneqarlutillu. Kommuneqarfik Sermersuumi eqqakkat pillugit malittarisassat ataatsimoortumik ingerlanneqarnikuupput, Naalakkersuisuniillu peqqusinerup kingorna marlunnut avinneqarlutik, tassa inoqutigiinnut eqqakkanik pilersitsisartunut aamma inuussutissarsiortunut suliffeqarfinnullu eqqakkat pillugit malittarisassat.
Tamatuma saniatigut eqqakkat pillugit malittarisassat nutaat tunngavigalugit, eqqakkat pillugit nalunaarutigineqartarnerinut nutaanik annertunerusunik aalajangersaasoqarpoq, tassunga ilanngullugit nutaanik illuliornermut, allanngortiterinernut nutarterinermullu atatillugu akuutissat mingutsitsisinnaasut pillugit avatangiisinut qulaajaanissamut piumasaqaatit.
Tusarniaanermut akissuteqaat piaarnerpaamik tunniunneqassaaq, kingusinnerpaamillu 20/10/2023
Kommuneqarfik Sermersooq akissuteqarnissamut killigitinneqartup qaangiutinnginnerani oqaaseqaatinik tigusaqanngikkuni, naatsorsuutigineqassaaq nassiunneqartumut oqaaseqaatissaqartoqanngitsoq.
Kommunimi malittarisassat Kommunalbestyrelsimit akuersissutigineqassapput.
Saqqummiunneqarfia:
22/09/2023
Tusarniaanermut piffissarititaq:
20/10/2023
Tusarniummut akissuteqaat uunga nassiunneqassaaq: sai@sermersooq.gl