Illoqarfimmik Inerisaaneq

Ittoqqortoormiit pillugit tamakkiisumik pilersaarutissatut SIUNNERSUUT

6 days tilbage

Aningaasaqarnermut Inuussutissarsiornermullu Ataatsimiititap 18. februaari 2021 ataatsimiinnermini aalajangerpaa, Ittoqqortoormiit pillugit tamakkiisumik pilersaarut tamanut tusarniaassutigineqassasoq.


Siunertaa

Pilersaarusiornermi periusissaq P18, kommunimut pilersaarut Sermersooq2028, politikkikkut akuersissutigineqartoq toqqammavigalugu Tasiilaq pillugu tamakkiisumik pilersaarusiarineqarpoq. Ittoqqortoormiini ineriartornermut qulequttamik akuersissuteqartoqanngilaq, kisianni Kommunimut pilersaarut allassimavoq illoqarfiup ineriartornissamut periarfissai nunaqqatigiillu imminnut napatissinnaanerat misissorneqassasut.

Aalajangersimasumik suliniutini pilersaarutip siunnersuutigaa, ilaatigut Ejnar Mikkelsenip eqqaassutissaata eqqaatigut appakkaaffissat uninngaarfissallu pitsaanerusut, illoqarfimmi issiaviit amerlanerit pingaartumillu pisuinnarnut angalaffissat pitsaanerusut pilersinneqassasut.

Tamanut oqallisissiaq

Siunnersuut tamanut tusarniaassutigisassanngorlugu sapaatip-akunnerini 8-ni saqqummiunneqarpoq, piffissami 03. marsi – 29. apriili 2021.

Piffissami tusarniaaviusumi siunnersuut pillugu oqaaseqaateqartoqarlunilu akerliliissuteqartoqarsinnaavoq.

Oqaaseqaatit akerliliissutillu Kommuneqarfik Sermersuumut ulloq 28. apriili 2021  nallertinnagu nassiunneqareersimassapput, mailikkut: plan@sermersooq.gl. Oqaaseqaatit akerliliissutillu piffissaasukkut tiguneqarsimasut Kommunalbestyrelsip pilersaarut inaarutaasumik oqaluuserilerpagu ilanngunneqassapput.

Pilersaarut uani takuneqarsinnaavoq

Kommunimut pilersaarummut tapiliussassatut siunnersuut kommunip nittartagaani tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.