Kommuneqarfik Sermersuumi Aalisarnermik siunnersuisooqatigiit siunnersuummik oqaluuserineqartussamik saqqummiivigineqarsimavoq. Taannalu toqqammavigalugu matumuuna tamanna pillugu peqatigiiffiit susassaqartunut tusarniaaneq nutaamik qaqinneqarnissaa kissaatigineqarluni, tamatumunnga pissutaavoq, tusarniaanermut akissuteqartut annikippallaarsimammata.
Inatsit pineqartoq tassaavoq: ”Kommuneqarfik Sermersuumi bundgarnersorneq pillugu malittarisassat: Aalisarneq pillugu inatsisartut inatsisaanni nr. 18-mi, 31. oktober 1996-meersumi 23 imm. 2, § 33, imm. 2 amma § 34 naapertorlugit amma Inatsisartut inatsisaata allannguutaa nr. 12, 3. december 2012-imeersoq tunngavigalugu Kommuneqarfik Sermersuumi bundgarnersorneq pillugu malittarisassat aalajangerneqarput.”
Tusarniaassummi kaggiussaq innersuussutigineqassaaq, tassani ileqqoreqqusaq pineqartoq ilannguneqarmat. Ilanngullugu takuneqarsinnaavoq Avannaata kommuniani tassalu Upernaviup aammalu Uummannap eqqaani killeqarfinnik allannguisoqarnerani suleriaaseq.
Taamaattumik lokaleqarfiit qinnuigissavagut ulloq 05. juni 2023 nallertinnagu aalisarfiit qanitaminni bundgarnersorfioqqusaanngittunik siunnersuuteqaqqullugit.
Aammattaaq uumatitsiveqarnermut tunngasut aamma malittarisassiuun-neqarnissaat kissaatigineqarluni. Taamaattumillu peqatigiiffiit uumatsiveqarnermut tunngasunik isumaqarnertik ilanngullugu akissuteqarnissaat kissaataalluni.
Pilersaarutaavoq atorfilittamit tikinneqarluni siunnersuutit nassiunneqartut nunap assiga atorlugu nalunaarsorneqassasut.
Tusarniaanerit uunga nassiuteqquneqarput: aalisarneq@sermersooq.gl