Sanarfinermut Avatangiisinullu Ingerlatsivik

Angallannermut pilersaarutissatut siunnersuut, immikkoortoq 1: Pisuinnaat aamma cykkilertut, Nuuk

1 week tilbage

Aninagasaqarnermut Inuussutissarsiornermullu Ataatsimiititap 18.02-2021 aalajangerpaa, Angallannermut pilersaarutissatut siunnersuut , immikkoortoq 1: Pisuinnaat aamma cykkilertut, Nuuk, tamanut tusarniaassutigineqassasoq.

Siunertaa

Matumani Angallannermut pilersaarutissatut siunnersuut, immikkoortoq 1: Pisuinnaat cykkilertullu, Nuuk, angallannermi isumannaatsuunissaat ingerlaffigiuminartumiitinneqarnissaallu qitiutinneqarpoq. Immikkoortumut pilersaarutissatut siunnersuummi siusinnerusukkut angallannermut pilersaarusiarineqartoq killiffissiorneqarpoq, taannalu tunngavigalugu suliniutigineqartussat ingerlanneqarput. Angallannermi ingerlaarfiit ajornartorsiutaasinnaasut aamma sumiiffiit kiisalu Nuummi ajutoorfiusinnaasut nassuiarneqarput. Sumiiffinni aqquserngit aalajangersimasut pisuinnarnut cykkilertunullu aqqutit pitsaanerusumik isumannaallisaavigineqarnissaannut taanna aaqqiissutissanut siunnersuuteqarfiussaaq.

Aaqqiissutissatut siunnersuutit sanaartornermi pingaarnersiukkatut inissinneqarput.

Pilersaarut una pilersaarutinit katillugit pingasuusunit siulliuvoq, taanna Nuummi angallannermut ataatsimut takutitsisuuvoq, ajornartorsiutaasunik misissueqqissaarnermik aamma piffissap ingerlanerani naleqquttumik aaqqiissutissatut siunnersuutaasumik.

Immikkoortut immikkoortillugit politikkikkut suliassanngorlugit ingerlateqqinneqarput, taamaattorli ataatsimut pilersaarusiornermi kapitalinut tulleriiaartinneqartutut isigineqarput.

Tamanut oqallisissiaq

Pilersaarutitut siunnersuut piffissami 03. marsimiit 28. apriili 2021-ip tungaanut tamanut tusarniutigineqassaaq.

Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.

Oqaaseqaatit akerliliissutillu Kommuneqarfik Sermersuumi tiguneqareersimassapput 28.04-2021 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl   

Oqaaseqaatit akerliliissutillu piffissaq eqqorlugu tiguneqartut “Angallannermut pilersaarutissatut, immikkoortoq 1: Pisuinnaat aamma cykkilertut, Nuuk” Kommunalbestyrelsimi inaarutaasumik oqaluuserineqarnissaanut ilanngunneqassapput.

Pilersaarut uani takuneqarsinnaavoq

Angallannermut pilersaarutissatut Nunatta atuagaateqarfiani atuarneqarsinnaavoq, kommunip saaffiginnittarfiani pissarsiarineqarsinnaalluni, kommunip nittartagaani aaneqarsinnaalluni imaluunniit Sanarfinermut Avatangiisinullu ingerlatsivimmut uunga sianerluni 36 74 00 saaffiginninnikkut pissarsiarineqarsinnaalluni.