Illoqarfimmik Inerisaaneq

2D1, Nuussuup kujammut Nuua, Nuuk

3 months tilbage

Aalajangersakkat pingaarnerit nutaatut siunnersuut

Aninagasaqarnermut Inuussutissarsiornermullu Ataatsimiititap 11.11.2021 aalajangerpaa, aalajangersakkat pingaarnerit nutaatut siunnersuut 2D1 tamanut tusarniaassutigineqassasoq.

Siunertaa
Sanarfinermut Avatangiisinullu Ingerlatsiviup 2D1 Nuussuup kujammut Nuua, Nuuk pillugu aalajangersakkat nutaat matumuuna saqqummiuppaa. Immikkoortup ilaa 2D1 sukumiisumik aalajangersaatinik pilersaarusiorneqarnikuunngilaq.

Sanarfinermut Avatangiisinullu Ingerlatsivimmit immikkoortoq pingaarnertut D-tut atorneqassasoq nalilerneqarpoq.

Matumani aalajangersakkani nutaani immikkoortumi inissamik sinneruttoqanngilaq, tamannalu pillugu immikkoortumi sanaartortoqarsinnaanngilaq. Matumani kommunimut pilersaarummut tapiliussatut siunnersuutip akuersissutigineqarneratigut pingaarnertut aalajangersakkat pioreersut atorunnaarsinneqassapput.

Tamanut oqallisissiaq
Pilersaarutitut siunnersuut piffissami 22.12-2021 – 16.02.2022 tungaanut tamanut tusarniutigineqassaaq.

Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.

Oqaaseqaatit akerliliissutillu Kommuneqarfik Sermersuumi tiguneqareersimassapput 16.02.2022 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl   

Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.

Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.

Pilersaarut uani atuarneqarsinnaavoq
Kommunimut pilersaarummut tapiliussamut siunnersuut kommunip nittartagaani, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.