Perorsaanikkut tarnip pissusaatigut siunnersuineq/Misi

Misi meeqqat inuusuttullu pillugit siunnersuisarfiuvoq, Nuummilu inissisimalluni. Meeqqat inuusuttullu pillugit siunnersuisarfik/Misi perorsaanikkut tarnip pissusaatigut angajoqqaanut sulisunullu siunnersuinernik neqerooruteqartarpoq, sullittarpaallu Kommuneqarfik Sermersuumi meeqqat inuusuttullu 0-18-it tikillugit ukiullit. Angajoqqaajuguit, ilinniartitsisuuguit imaluunniit perorsaasuuguit, tamatumunngalu atatillugu ajornartorsiutinik misigisaqartaruit, ilisimasassanik siunnersuutinilluunniit pisariaqartitsiguit, taava Misimut saaffiginnissinnaavutit. Saaffiginninnerup kingorna Misip ajornartorsiut misissussavaa qanorlu iliorsinnaaninnik siunnersussallutit.

Perorsaanikkut tarnip pissusaatigut ajornartorsiutit pingaartumik meeqqat ineriartornerat, atugarissaarnerat ilikkagaqarniarnerallu pineqartarput. Ajornartorsiummik misigisaqaruit, imaluunniit meeqqamut/inuusuttumut tunngassuteqartumik taasatta iluani nalornissuteqaruit, taava uatsinnut saaffiginnissinnaavutit.
Assersuutigalugu ajornartorsiutinik makkunannga Misip ikiorsinnaavaatit:

  • Angajoqqaatut malugigukku meeqqavit oqalunniarnini ajornartorsiutigigaa imaluunniit peqatimisut    pitsaatigisumik oqalussinnaaneq ilikkarsimanngippagu
  • Perorsaasutut malugigukku ataatsimoornermi meeqqat ilaannik ilaatitsiniarneq ajornartorsiutigalugu
  • Ilinniartitsisutut malugigukku atuaqatigiinni meeraq ataaseq arlallilluunniit atugarliortut, ass. pimmataaneq imaluunniit atuartitsissutini ajornartorsiuteqartut takusarukkit.

Qanoq saaffiginnissaanga?

Ajornartorsiut misigisat allaaserissavat, apeqqutitillu misi@sermersooq.gl –imut nassiullugit. E-mailikkut periarfissaqanngikkuit sianernissannut tikilluaqquatsigit 36 63 30-mut imaluunniit allaffimmut aqqusaarlutit saaffiginninnikkut.

Misi-mut saaffiginnissut – ulluunerani meeqqeriviit, ulloq unnuarlu paaqqinniffiit, angerlarsimaffinni paarsisartut, sunngiffinni ornittakkut aamma AKO

Misi-mut saaffiginnissut – angajoqqaat, angajoqqaarsiat assigisaasalu immersugassaat

Misi-mut saaffiginnissut – atuarfiit immersugassaat

Akuersinermut uppernarsaat

Akuersissut

Ilinniartitsisuuguit imaluunniit perorsaasuuguit meerarlu aalajangersimasoq saaffiginnissutigerusullugu kissaateqaruit, meeqqap angajoqqaavi eqqartueqatigeqqaarnissaat isumagissavat, meerarlu pillugu Misimut saaffiginninniarninnut akuersissummik qinnuigeqqaassavatit.

Angajoqqaanik siunnersuinissamik Nuummi periarfissaq

Angajoqqaat MISI-mut saaffiginninniarnermi uunga saaffiginnissinnaapput: Oqarasuaat 36 63 30 imaluunniit misi@sermersooq.gl.

Angajoqqaat aamma MISI-mut ornigussinnaapput Kuussuaq 17-mut, sisamanngornikkut nal. 13 -15. Piffissami tassani MISI-mi sulisumik piareersimasoqartarpoq saaffiginnissummik immersuinermut ikiuutaasinnaasumik. Saaffiginnissummik immersuereernerup kingorna angajoqqaat attavigineqarumaarput, oqaloqatiginninnissamut piffissamik neqeroorfigineqarlutik.