Inatsisitingut toqqammavissat
Pujoorfiit tamarmik paaviarneqartussaapput, taamatullu piumasaqarneq inatsisitingut toqqammaveqarpoq. Kissarsuutit kissarsuutillillu qisuttortut ikuallannermik pilersitsinissaat pujuliortitsinnginnissaallu pinngittoorniarlungit pujoorfiit paaviarneqartassapput.
Kommuneqarfik Sermersuumi illut tamarmik kissarsuutillit toqqammaviusumik ukiumut marloriarlutik paaviartittassapput. Paaviartittarnissamut apeqqutit attuumassutillit ataani ersarissarneqarput soorlu pujoorfiit angissusaat qanorlu akulikitsingisumik paaviaasarnerit ingerlanneqartarnissaat. Kommune Inatsisartut inatsisaat annaassiniartarnermut toqqammavingalungu taama piumasaqarpoq.
Akisussaaffik
Illuutillit namminneq illumi aserfallattaalinissaa akisussaaffingivaat, aamma taamatorluinnaq paaviaanermut apeqqutit inissisimapput. Illuutillit soorunami aserfallattaaliinermut aningaasartuutit assingalungit sulisitsinerit namminneq akilertussaavaat.
Tamarmik sullinneqassapput
Paaviartittarneq pisussaaffiuvoq avaqqunneqarsinnaanngittoq. Ingerlatsivimmiit erseqqissaatingerusupparput illunut tamanut kissarsuutilinnut kissarsuutilinnullu qisuttortunut piumasaqaat atuummat, illullu uani inoqarnera apeqqutaatinneqanngilaq.
Kommune illut paaviarneqartarnerinut nakkutilliisuuvoq. Ingerlatsivik ataavartumik paaviartittoqartarnera uppernarsiumallungu misissuisassaaq, taamatut isiortoqarpoq inatsisip siunertaa qulakkeerumallungu.
Kinguneqartitsineq
Kommune iliuseqartussaatitaavoq paaviaanermut nalunaarut malinneqanngippat – allatut oqaatingalungu; illuutillit pisussaaffeqarput pujoorfiit paaviassallungit. Illuutillit pujoorfitsik paaviartissimanngikkunikku Ingerlatsivik paaviaasumut suliakkiissaaq pujoorfiup paaviarneqqarnissaa siunertaralungu. Illuutillit akilingassaq soorunami paaviartinnermut namminneq akilissavaat, kiisalu kr. 500-imik akilingassinneqarsinnaallutik suliap ingerlanneqarnerani aningaasartuutaalernerusumut matussusiisussamik.
Pujoorfiit angissutsimikkut assingiinngillat, angisuut mikisullu. Pujoorfiit angisuut ukiumut sisamariarlutik paaviarneqartassapput. Pujoorfik 250 kW-imik effekt-eqaruni angisuutit naattorsuunneqassaaq. Pujoorfiit taama ittut tunisassiorfinnit atorneqakkajuttarput imaluunnit suliffeqarfinni angisuuni.
Kissarfuuteqaruit qisuttortumik pujoorfiit ukiumut ataasiarluni paaviarneqassaaq.
Kissarsuutip salinneqarnissaa aserfallattaalinissaalu paaviaanermut attuumassuteqanngilaq.
Kommuneqarfik Sermersuumi paaviaasut
Nuuk:
Brøndum Grønland A/S
Jagtvej 38
3900 Nuuk
Tlf: 32 29 11
HJ TEK A/S
Nukappiakkuluk 9
3905 Nuussuaq
Tlf: 32 93 18
Qeqertarsuatsiaat og Kapisillit:
Qulaani nunaqarfiit taaneqartuni Kommuneqarfik Sermersooq Iserit A/S suleqatigalugu paaviaasoqarpoq
Paamiut:
Frederikshåb Betoncentral ApS
P.O. Box 65
GL-3940
Paamiut
Mobilnr: 56 24 97
Arsuk:
Tom Erik Boassen
Mobilnr: 56 56 76
E-mail: tomerikboassen@gmail.com
Tasiilaq:
MM VVS v/Mikael Mikaelsen
Napparummut B-1297
3913 Tasiilaq
Tlf: 23 74 59
Ittoqqortoormiit:
Malermester Karl Simonsen / VVS rørlægger
Postboks 27
3980 Ittoqqortoormiit
Mobilnr: 59 93 00
E-mail: karl85@live.com