Quppernermi uani atuarnerusinnaavat Nuummi Eqqumiitsulianik Saqqummersitsivik – Ilaapput sumiiffia ammasarfiilu.
Nuummi Eqqumiitsulianik Saqqummersitsivik pigineqartullu annerpaartaat Svend Jungemit aamma Helene Junge Pedersenimit tunissutaapput. Tunissutip allagartaa uani atuaruk Junges Gavebrev. Saqqummersitsivik 2005-imi atoqqaartinneqarpoq. Adventisiortut Oqaluffiaasimasumi, Nuup qeqqanit minutsialuit pisukkaanni tikinneqarsinnaasumi Kissarneqqortuunnguaq 5-imi inissisimavoq. Kommuneqarfik Sermersuumut (taamani Nuuk Kommuniusumut) tunnissutaasimavoq, ullumikkullu komuunimit ingerlanneqarluni. Tunissutip allagartaa uani qaallunaatut atuarneqarsinnaavoq.
Ukiuni kingullerni saqqummersitsivik assigiinngitsunik aallutaqartarsimavoq, soorlu illoqarfimmi eqqumiitsuliat pillugit quppersakkamik saqqummersitsisimalluni, aamma katersungaatini tusarnaarutit atorlugit takornariartoqarsinnaalernikuuvoq. Taakku saniatigut atuartitsissutinik arlalinnik pilersitsisimavoq, nukarlernut, akullernut, angajullernut GU-tunullu tulluarsarneqarsimasunik.
Ulluni pingaarutilinni, soorlu unnuk kultuurisiorfimmi, nunani tamalaani katersugaasiviit ulluanni, saqqummersitsinerni ammaanersiornerni, inuiattullu ullorsiornermi saqqummersitsivik assigiinngitsunik sammisassaqartitsisarpoq, kikkunnut tamanut ammasunik.
Naliginnaasumik ammasarfiit avataatigut pulaarusukkuit allatigulluunniit apeqqutissaqaruit, paasissutissat talerpiup tungaaniittut aqqutigalugit saaffiginnissinnaavutit.