Nunaqarfik 1805-imi septemberip aallaqqaataani tunngavilerneqarpoq. Ilisimaneqanngilarli kiap nunaqarfik tunngavilersimaneraa.

Taamanikkullu taaguuserneqarluni Putugoq, qaqqap taamatut isikkoqarnera atsiullugu. 1810-miilli taaguuteqalerluni Arsuk. Arsuk danskisuunngortillugu isumaqarpoq ”det elskede sted” imaluunniit ”den man elsker”.

Nunaqarfik 1970-ikkunni 1980-ikkunnilu ingerlalluarnerpaavoq. Nunaqarfik innuttaasunut agguaqatigiisitsineq naapertorlugu nunarsuarmi allaat nunaqarfinni akimanerpaajunikuuvoq. Pisuussut pinngorpoq piffissami pineqartumi nunaqarfimmi saarullippassuaqarmat.

2009-mi kommunit kattussuunneqanngikkallarmata Arsuk Paamiut Kommuneanut atavoq.

Arsuk pillugu sumiiffittut ilisaritinneqarnera

Kommunip illoqarfii nunaqarfiilu sumiiffikkaartumik borgmesterip allattoqarfianiit ilisaritinneqarnissai suliarai. Illoqarfiit nunaqarfiillu tamarmik immikkut ilisaritinneqarput.
Allaaserineqarnerinilu kommunip suleqatigisallu allat naatsorsueqqissaarutaat kisitsisaallu atorlugit inuussutissarsiutit, ineqarneq, ilinniartitaaneq inuttullu atukkat nassuiaatigineqarlutik.

Arsuk pillugu sumiiffittut ilisaritinneqarnera atuaruk uani

Quppernerup imarisaa qanganitsersimava?

Quppernermut naqqiutissaqarpit?