Nittartakkami uani Kommuneqarfik Sermersuumi takornariaqarneq pillugu annertunerusumik atuarsinnaavutit.
Kommuneqarfik Sermersuumi piujuartitsineq tunngavigalugu takornariaqarneq sulissutigaarput, pingaartitaralugulu qanoq annertunersumik takornariaqarneq inuiaqatigiinnut iluaqutaatigissinnaanersoq. Takornariaqarnermut tunngasut Inuussutissarsiornermut Immikkoortortap ataaniippoq. Takornarialerinermut suliffeqarfivut marluk, Visit Nuuk aamma Visit East Greenland, nunap ilaani immikkut takornariaqarnermik ineriartortitsinermik suliaqartarput. Visit East Greenland Tasiilami takornariaqarnermut paasissutissiisarfimmut ”Skæven” akisussaasuuvoq. Tamatuma saniatigut Paamiuni takornariaqarnerup ineriartortinneqarnissaa Takornariaqarnermut Immikkoortortaqarfiup sulissutigivaa.
Kalaallit Nunaanni sumiiffinni tamani takornariaqarneq ineriartorpoq, kommunimilu tamarmi tikittartut takornarialerisullu amerleriarujussuarnissaat naatsorsuutigaarput. Suliarput marloqiusaavoq – ornitassat nittarsaattussaavagut aamma takornariaqarnerup ingerlalluarnissaanut pitsaanerpaamik atugassaqartitsinissamut atugassarititaasut pitsaanerpaat pilersitseqataaffigissavagut. Taamaaliussaagut orninneqarsinnaasut pillugit suliassaqarfinnik assigiinngitsunik suleqateqartarnikkut kiisalu inuiaqatigiinnik oqaloqatigiinnikkut, aamma assigiinngitsunik inuussutissarsiuteqartut akornanni, Naalakkersuisoqarfik, kommune allallu attuumassuteqartut. Orninneqarsinnaasunut tunngasut inuit attaveqaataanni nittartakkatsinniittullu malinnaaffigisinnaavatit.
Annertunerusumik takukkit
Visit Nuuk pillugu uani:
Visit East Greenland uani