Kalaallit Nunaanni Inuiattut ullorsiornitsinni, pingasunngornermi juunip 21-anni 2023-mi pisussat pillugit paasissutissat uani quppernermi nanisinnaavatit.
Inuiattut ullorsiornitsinnut atatillugu aaqqissuussat pillugit paasissutissat ataavartumik maani quppernermi avammut nalunaarutigineqartarumaarput.
Pisussat aalajangerneqareersut:
_________________________________________________________
Ittoqqortoormiit
08.00: Kommunep allaffiata eqqaani erfalasulerneq
Kommunalbestyrelsemi ilaasortaq Ken Madsen oqalugiassaaq. Kingornalu kaffe tii ullaakkorsiuteqassaaq.
09.00: Oqaluffitsinni naalagiaqatigiinneq
10.15: Puisimik qassimasunik qimussikkut pisaqaqqanniunneq – namminneq qimmimi eqqaaniit aallartoqassaaq
12.30 Qammavaaimmi qivaaqqimi aalisakkaneq pisaqarneqqusaanneq
14.00: Minihaalimi aaqqissuussat
- Tikilluaqqusineq
- Nereqatigiinneq kalaalimerngit pølset, kaagillu
- Nipilersortoqassaaq Wilhelm Danielsen
- Kalattoortartut aamma qilaatersortartut takutitsissapput
- Unammisitsineq: Kalaallisuuginneqqussaanneq Angut/Arnaq/Nukappiaraq/Niviarsiaraq
16.00: Arsaattarfimmi arsaanneq
- MEEQQAT arsassapput 2 x 20minut.
- ANGUTIT arsassapput inuusukaat 35-liineqanngitsut unammillugit utoqqasaat 35-leereersimasut 2 x 45minut
19.00: Minihaalimi Unnussiuaaqatigiinneq
- Qitinneq, kalattoorneq, unammisaqattaarneq
Nipilersukkanik akunniliisoqartassaaq
21.45: Haalimiinneq naammassissaaq
22.00: Ulloq naggaserlugu qummoroortarneq minihaali eqqaani
__________________________________________________________
Nuuk
ULLAAKKUT PISUSSAT
07.30: Kommunip allaffianiit ingerlaaqatigiinneq
Inuiattut Ullorsiorneq, ileqqoq malillugu kommunip allaffianiit Nuup Saavanut ingerlaaqatigiinnermik aallartinneqassaaq, ingerlaaqatigiinnermilu peqatigiiffiit ingerlaaqatigiissapput, ingerlaaqatigiittoqarneranilu kikkulluunniit peqataanissaannut tikilluaqqusaapput.
07.50: Erinarsoqatigiinniit erinarsorneq
Erinarsoqatigiit NIPE ”Nunarput Erfalasorlu” Nuup Saavani scenemiit erinarsussavaat.
07.55: Tikilluaqqusineq
Akunniliisoq ullorsioqatigiinnissamut tikilluaqqusissaaq.
08.00: Borgmesteri oqalugiassaaq
Borgmesteri Avaaraq Olsen najuuttunut oqalugiassaaq.
08.15: Paggaa!
Ileqqoq malillugu nunarsuarmi paggaarnerit annersaat ingerlatilerutsigu peqataajartorit. Nammineq paggatassanik nassarnissaq pisariaqanngilaq.
08.30: Puiseqqaanniuunneq aallartinneqassaaq
Inuiattut Ullorsiornermi puiseqqaanniuuttoqartariaqarpoq. Puiseqqaanniuunneq Naalakkersuisunit aamma Arktisk Kommandomit qamutilittarnermik aallartinneqassaaq!
Puiseqqaanniuuttoqarnerani Peqatigiiffiik Qajaq Nuup Saavani takutitsissaaq.
Puiseqqaanniuunneq pillugu uani atuarnerusinnaavutit.
08.35: Nipilersornermik Ilinniarfiup erinarsoqatigiivi
Nipilersornermik Ilinniarfiup erinarsoqatigiivi Nuup Saavani scenemiit tusarnaartitsissapput.
08.42: Erinarsoqatigiinniit erinarsorneq
Erinarsoqatigiit NIPE erinarsussavaat ”Nuna asiilasoq” aamma ”Nunarput utoqqarsuanngoravit”.
08.50: Annaassisitta Oqaluffianut ingerlaaqatigiinneq
Peqatigiiffiit ingerlaaqatigiinnermi saarliullutik Annaassisitta Oqaluffianut ingerlaaqatigiittoqassaaq, kikkut tamarmik peqataanissaannut tikilluaqqusaapput.
09.00: Annaassisitta Oqaluffiani naalagiarneq
Ileqqoq malillugu Annaassisitta Oqaluffiani naalagiartoqassaaq.
ULLUP QEQQATA SIORNA ULLUKKULLU PISUSSAT
10.00-12.00: Kittat ammassaaq
Inuiattut ullorsiortoqarneranut atatillugu Kittammi sulisut suliarisartagaannik ilaannik saqqummersitsissapput.
10.00: Katersortarfimmi kaffe, the kalaallit kaagiallu sassaalliutigineqassapput.
11.00-14.00: Grillereqatigiinneq nipilersornertalik
Katersortarfimmi nipilersortoqarumaarpoq silataanilu grillereqatigiittoqassallunilu. DJ Liam scenemiit nal. 11-12-llu akornanni aammalu nal. 13.30-miit appissimaassalluni. Nal. 12-13-illu akornanni nipilersoqatigiit Kusernerit appisimaassapput kiisalu nal. 13-13.30 Nipilersornermik Ilinniarfimmiit appisimaartoqassalluni.
Grilleqareqatigiinnissamut nerisassanik nammineq nassartoqarsinnaavoq. Grillereqatigiiffimmili aamma grilligassanik pisisoqarsinnaajumaarpoq.
12.00: Puiseqqaanniuunnermi ajugaasunik suaaruteqarneq
Puiseqqaanniuunnermi ajugaasut Nuummi Katersortarfimmi avammut suaarutigineqassapput. Ajugaasunut pingasunut aningaasanik pinnatassaqarpoq, taakku saniatigut gummibådi, aquuteralak kiisalu pinnatassat assigiinngitsut (goodiebag) pinnatassaajumaarput.
UNNUKKUT PISUSSAT
19.00-22.00: Aalakoorfiunngitsumi Katersortarfimmi qittanneq
Ulloq naggaserlugu suliniutitta nutaap – aalakoorfiunngitsumi qittanneq Katersortarfimmi ingerlanneqarani Ulla Fleischer, Joorsi Band aamma Pele Møller Band appisimaalerpata qitigiarit.
22.00: Qummoroortarneq
Inuiattut ullorsiornerput naggaserlugu qujaniarluta Katersortarfiup silataani qummoroortassaagut.
___________________________________________________________________
Paamiut
Inuiattut ullorsiorneq Paamiuni nalliuttorsiutigineqarlerpat sumiiffinni marlunni malunnartinneqassaaq – Katersortarfik Taqqissuummi aammalu Narsartami.
ULLAAKKUT PISUSSAT
07.30: Ingerlaaqatigiinnissamut piareersarneq
Peqatigiiffit kommunip allafiata silataani katersuutissapput.
07.45: Ingerlaaqatigiinneq
Narsartami erfalatserfiup tungaanut ingerlaaqatigiinneq, peqatigiiffiit erfalasulisartut ingerlaaqatigalugit.
08.00: Illoqarfiup erfalasua amuneqassaaq
- “Nunarput utoqqarsuanngoravit” atorneqassaaq
- Qummoroortarneq
- “Nuna asiilasooq” atorneqassaaq
- Kommunalbestyrelsimi ilaasortaq Dorthe-Marie Mogensen-Fontain oqalugiassaaq
- “Paamiut, Paamiut” atorneqassaaq
08.30: Puiseqqaanniuuttussat aallakaassapput
Naalagiarneq
Naalagiarneq Narsartami pisussat pereerpata ingerlanneqassaaq.
KATERSORTARFIMMI TAQQISSUUMMI AAQQISSUUSSAT
10.00-12.00: Tamanut kaffemik
19.30: Pinnatassanik agguaaneq nipilersornerlu
- Ullup ingerlanerani unammisitsinerni ajugaasimasut, aammalu TaeKwonDo-tartut kaagiliullaqqinneqqusaatsitsineranni ajugaasut pinnatassaannik agguaasoqassaaq.
- Sermersuumi Nipilersornermik ilinniarfimmeersut kiisalu nipilersortartunit Paamiuneersuniit appisimaartoqassaaq
22.00-00.00: Qitik aamma nipilersorneq
00.00: Ulloq qummoroortarnermik naggaserneqassaaq
NARSARTAMI UMIARSUALIVIMMILU AAQQISSUUSSAT
13.00–14.00: Aalisakkamik anginerpaamik pisaqarnissamik unammineq
13.00-15.00: Vandcykelit qajarissallu
Innuttaasut vandcykelinik qajarissanillu Aasivinngivit eqqaanni misiliinissaminnut periarfissaqassapput.
Najukkami Ataatsimiititap klub Kalaaleq suleqatigalugu aaqqissuisuupput.
13.00: Peqatigiiffik Neriuffik pisuttuaqatigiititsiniarpoq Piginnaasakitsut illuutaanniit
14.00: Aliikkusersuineq unammitsitsinerillu
Najukkami Ataatsimiititaq aliikkusersuisoqarnissaanut unammisitsinissamullu aaqqissuussissaaq, ilaqutariittut stafetti, assammik arsaanneq il. Il.
Najuuttunut containerimiit appisimaarsinnaanissaq periarfissaajumaarpoq.
Aamma uaaeertoqarumaarpoq.
15.00: Nereqatigiinneq
Puiseqqaanniuunnermit aalisartitsinermiillu pisat iganeqarlutillu agguaanneqarumaarput. Aamma pølseqarlunilu fluteseqarumaarpoq. Innuttaasut grillerusutaminnik aamma nassarsinnaapput (grilleriffissaq nal. marlunut piareerneqarumaarpoq.
___________________________________________________________________
Tasiilaq
08.00: Qamutilittarneq kiisalu puiseqqaanniuttut aallassapput
- Erfalasulerneq kommuunimi
- Komm. Bestyrelsemiit oqalugiarneq
- Erinarsoqatigiit Inngeratsiler
- Orpiup toqqaviani ullaakkorsioqatigiinneq
09.00: Naalagiaqatigiinneq
- Immakkut ajunaarsimasunik eqqaaniaaneq (oqaluffiup silataani)
13.00: Ualikkut Ittimiini (sila ajussappat haalimi ingerlanneqassaaq)
- Tikilluaqqusineq
- Nipilersornermik ilinniarfimmeersut appisimaassapput
- Puisimik pilannermi sukkaniunneq. (Sila ajussappat utoqqarnut tunniunneqassapput)
- Nipilersorneq (Scene tamanut ammasoq)
- Kalattut qitinneq (NAIP)
- Erinarsoqatiiit (Elisa-la erinartsoralingiivad)
- 2.y erinarsussapput
- Uaaeerneq
- Qilaatersorneq (kikkulluunniit tikilluaqqusaapput)
- Arpatsitsineq (Meeqqat kiisalu inersimasut)
- Kalattut arsarneq angutit.
- Allunaasamik noqqoruunneq (Meeqqat inersimasullu)
- Qissiamik unammineq (Angutit)
- Puumut ikilluni sukkaniunneq (Meeqqat inersimasullu)
- Naatsiiat alussaammut ilillugit sukkaniunneq (Meeqqat)
16:10: Torersaaneq
16:30: Akissarsiartalimmik ujaasisitsineq
(sila ajussappat kupon-it timersortarfimmi agguaanneqassapput)
19.00: Timersortarfimmi unnussiuartitsineq
- Tikilluaqqusineq
- Erinarsoqatigiit “Kangiata Akisuarnera” erinarsussapput
- Unammisitsinerit (Uumasut nipaat, stick pull all.)
- Puiseqqaartunut akissarsisitsineq
- Aliikkusersuissapput (NAIP)
- Puisimik pilallammammik akissarsisitsineq
- Swinngillaqqinneqqusaanneq (Meeqqat inersimasullu immikkut)
22.00: Qummoroortarneq
22.10–00.00: Nipilersortulerluni qitik – Tiia band