Innuttaasutut suliffeqarfittullu pigisatit nammineq atorusukkunnaakkatit toqqaannartumik atueqqinnissamik periarfissiisumut tunniussinnaanngorpatit. Atoqqiinermik siunnerfeqarlutik suliniutillit namminersortut ass. Røde Korsip pisiniarfii, suliffeqarfiit pisattanik atornikunik iluarsaassisartut , il.il… Aamma periarfissaq alla atorneqarsinnaasoq tassa kommunip toqqaannartumik atuinissamut periarfissat pigisai.

Najugaqarfinni tamani kommuni atornikunut inissiivinnik ilioraaffissanik pilersitsivoq, pisattanik toqqaannartumik atoqqinneqarsinnaasunut:

Nuuk Ikuallaavimmi
Paamiut Eqqaavissuup isertarfiata nalaani
Tasiilaq Kommunip sannaviata isertarfiani
Arsuk Nunaqarfimmi ikuallaavimmi
Isertoq Nunaqarfimmi ikuallaavimmi
Kapisillit Nunaqarfimmi ikuallaavimmi
Kulusuk Nunaqarfimmi ikuallaavimmi
Kuummiut Nunaqarfimmi ikuallaavimmi
Qeqertarsuatsiaat Nunaqarfimmi ikuallaavimmi
Sermiligaaq Nunaqarfimmi ikuallaavimmi
Tiniteqilaaq Nunaqarfimmi ikuallaavimmi
Atoqqinneqarsinnaasut tunniullugit, atorunnaakkatit toqqaannartumik atoqqinneqartussanngorlugit, taamaaliornikkut kommunimi eqqagassanik annikillisaaqataavutit. Eqqagassat ikinnerit ima isumaqarpoq aamma eqqaaveqarnermut aningaasartuutissat ikinnerit, aammali ima isumaqarpoq avatangiisinik artukkiinerup annikillisinneqarnera.   

Eqqagassalerinermi maleruaqqusani Kommuneqarfik Sermersuumi toqqaannartumik atoqqiinermi malittarisassat qanoq imaqarneri atuarsinnaavat. Eqqagassanik angisoorsuarnik eqqagassalerinermi  aaqqinermi  qanoq allaaserineqarsimanersoq atuarneqarsinnaavoq.

Nuummi toqqaannartumik atoqqiineq

Nuummi toqqaannartumik atoqqinneqarsinnaasunik ilioraavik ikuallaaviup eqqaaniippoq, Pukuffimmi. Ilioraavik marluk containerinik illutaqarpoq, ammasarlunilu nal. 7 aamma nal. 15:30 akornanni ulluinnarni, arfininngornermi nal. 9 aamma nal. 13:30 akornanni.

Containerini nassaarineqarsinnaapput pequtit atornikut, sikkilit, sisoraatit, timigissarnermut maskinat, nutsernermi karsit allarpassuillu, tikilluaqquneqarputit akeqanngitsumik aallernissarnut.

Atoqqitassanik tunniussineq

Inuit privatimik naleqqussorisaminnik atugassaminnik ilioraavimmiit akeqanngitsumik aallersinnaapput atoqqinneqarsinnaasunik. Ingerlatsinermi suleqataasut ilaata nalilissavaa tunniuneqartut ilumut toqqaannartumik atoqinneqarsinnaanersut.

Suliffeqarfiit, assigisaallu umiarsualivillu atoqqitassanik atortussanik atoqqiisarfimmut ilioraavimmut tunniussinialerpata, tunniunneqartussat ilumut atoqqinneqarsinnaanersut ilioraavimmi ingerlatsinermi sulisumit akuerineqaqqaassapput. Tamannalu pereerpat tunniunneqartut pisatat uuttortaqqaarneqassapput nalunaarsorneqarlutillu "Toqqaannartumik atoqqiineqartutut" uuttortaasarfimmi ikuallaaviup eqqaani. Eqqagassanik tunniussinermi akiliutigineqartartoq akilerneqassanngilaq.

Ingerlatsinermi sulisup nalilerpagut atortoq tunniunneqartoq toqqaannartumik atoqqinneqarsinnaanngitsoq,  taava pisussaaffigineqarpoq atortup eqqakkanut allatulluunniit peerneqarnissaa aammalu 
akigititat atuuttut malillugit akiliuteqarnissaq. 
 

Atisat skuullu atornikunut ilioraavimmut containerimut tunniunneqarsinnaanngillat, namminersorlutilli atornikunik suliniuteqartunut Nuummiittunut tunniunneqassallutik, akeqanngitsumimmi atisat, pequtit il.il. atoqqiisarfinnut, iluarsaanneqarlutik tuniniarneqartarfiusunullu, taakkununnga tunniunneqarsinnaammata. 

Qisunnik toqqaannartumik atoqqiineq

Akeqanngitsumik atoqqigassaqqitsunik qisunnik katersuisarfimmit aallersinnaavutit imaluunniit katersisarfiup tungaanut aqqutaani saamerlermut containerimut. Isumannaallisaaneq pillugu aallertarneq aatsaat pisinnaavoq ingerlatsinermi sulisut isumaqatigiissuteqarfiginerisigut.

Qisunnik katersuivimmut inuinnaat ingerlatsinermi suleqataasoq isumaqatigiissuteqarneratigut akeqanngitsumik qinsunnik atoqqinneqarsinnaasunik tunniussisinnaapput.

Suliffeqarfiit allallu assingisaat umiarsualiveqarfillu eqqagassaatitik qisuit tunniutissavaat,  uuttortaasarfimmi nalunaarsorneqassapput ima;   ’Qisuit panertut toqqortitassat ’ uutortaasarfimmi ikuallaaviup eqqaani. 

Akigitinneqartut malillugit akiliuteqartoqassaaq


Quppernerup imarisaa qanganitsersimava?

Quppernermut naqqiutissaqarpit?