Innuttaasunut

Paaviaaneq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Kommuneqarfik Sermersooq-mit paaviaanermut paasissutissat.

INATSISITIGUT TOQQAMMAVISSAT

Pujoorfiit tamarmik paaviarneqartussaapput, taamatullu piumasaqarneq inatsisitigut toqqammaveqarpoq. Illut tamarmik kissarsuutillit toqqammaviusumik ukiumut marloriarlutik paaviartittassapput. Kissarsuutit kissarsuutillillu qisuttortut ikuallannermik pilersitsinissaat pujuliortitsinnginnissaallu pinngitsoorniarlugit pujoorfiit paaviarneqartassapput.

INATSIMMIK TUNNGAVISSAT

  • Kalaallit Nunaanni annaassiniarnissamut upalungaarsimaneq aamma ikuallattoornissamik qaartoornissamillu pitsaaliuinermi iliuusissat pillugit Inatsisartut inatsisaat nr. 14, 26. maj 2010-meersoq
  • Illuliornermi malittarisassat 2006.

Kommune illut paaviarneqartarnerinut nakkutilliisuuvoq. Ingerlatsivik ataavartumik paaviartittoqartarnera uppernarsiumallungu misissuisassaaq, taamatut isiortoqarpoq inatsisip siunertaa qulakkeerumallugu.

KINGUNEQARTITSINEQ

Kommune iliuseqartussaatitaavoq paaviaanermut nalunaarut malinneqanngippat – allatut oqaatigalugu; illuutillit pisussaaffeqarput pujoorfiit paaviassallugit. Illuutillit pujoorfitsik paaviartissimanngikkunikku Ingerlatsivik paaviaasumut suliakkiissaaq pujoorfiup paaviarneqqarnissaa siunertaralugu. Illuutillit akiligassaq soorunami paaviartinnermut namminneq akilissavaat, kiisalu kr. 500-imik akiligassinneqarsinnaallutik suliap ingerlanneqarnerani aningaasartuutaalernerusumut matussusiisussamik.

AKISUSSAAFFIK

Illuutillit namminneq illumi aserfallattaalinissaa akisussaaffigivaat, aamma taamatorluinnaq paaviaanermut apeqqutit inissisimapput. Illuutillit soorunami aserfallattaaliinermut aningaasartuutit assigalugit sulisitsinerit namminneq akilertussaavaat. Paaviartittarneq pisussaaffiuvoq avaqqunneqarsinnaanngittoq.

MALUGIUK

Pujoorfiit angissutsimikkut assingiinngillat, angisuut mikisullu. Pujoorfik angissuutut naatsorsuunneqartoq tunisassiorfinnit atorneqakkajuttarput imaluunnit suliffeqarfinni angisuuni -taakkulu ukiumut sisamariarlutik paaviarneqartassapput.

Kissarsuutip salinneqarnissaa aserfallatsaalinissaalu paaviaanermut attuumassuteqanngimmat. Misilittakkat takutereerpaat kissarsuutip sullua amitsoq paaqalersimaneranik kingunerisaasut ilagikkajukkaat ikummatissap ingerlatsinnera akornuteqaleranik naggataatigullu qajannarsilluni ingerlajunnaartarlutik. Sanaartornermut Avatangiisinullu Ingerlatsivik kaammattuuteqarpoq paaviaanermut atatillugu kissarsuut salinneqassasoq aserfallatsaalinissamullu misissorteqqullugu ruujorilerisunut akuerisamik ilisimaarinnittumut allagartallinnit.

Nittartakkami takusinnaavatit akuerisamik allagartallit Nuummi, Paamiuni, Tasiilami aammalu Ittoqqortoormiuni ugguna iserlutit 

NUNAQARFINNI IMMIKKUT INATSIT ATUUTISSAAQ

Nunaqarfiit Arsuk, Qeqertarsuatsiaat, Kapisillit, Isortoq, Kulusuk, Kuummiut, Sermiligaaq aammalu Tiniteqilaaq-mi kommune immikkut piareersaassuteqassammat.

APEQQUTIT MALUGINIAKKALLU

Apeqqutissaqaruit maluginiagaqarlutilluunnit qulaani allassimasunut uunga saaffinginnissinnaavutit:

Sanaartornermut Avatangiisinullu Ingerlatsivik

Kuussuaq 2

3900 Nuuk

Oqarasuaat: 36 74 00

sai@sermersooq.gl

AMMASARFIIT:

Ataasinngornermiit – pingasunngornermut nal. 10-15

Sisamanngorneq nal. 12-17

Tallimanngorneq nal. 10-12