Meeqqanut inuusuttunullu suliassaqarfimmi Peqqinnermik Siuarsaataasunik aamma Pitsaaliuinermik sulineq

Uani meeqqanik inuusuttunillu suliassaqarfimmi Peqqinnermik Siuarsaataasunik aamma Pitsaaliuinermik immikkoortortaq sulinerallu atuarsinnaavat.

Qupperneq suliarineqarpoq

Kommuneqarfik Sermersuumi peqqinnermik siuarsaataasunik pitsaaliuinermillu sulinermi annerusumik meeqqat inuusuttullu meeqqerivinniittut, atuarfinniittut, klubbiniittut, sunngiffimmi neqeroorutiniittut aamma Majoriamiittut  pingaarnerutippai. Taakkunani meeqqat inuusuttullu ulluinnarni avatangiiseqarput sulisuvullu taakkununnga toqqaannartumik ulluinnarni attaveqartuullutik.

Kommuneqarfik Sermersuumi Meeqqanut Atuarfeqarnermullu Ingerlatsivimmi takorluugarineqarpoq, Kalaallit Nunaanni ulluunerani paaqqinnittarfiit, atuarfiit aamma klubbit pitsaanerpaat aamma atorluaanerpaat, meeqqanik tamanik inissaqartitsisut aamma meeqqat inuusuttullu alapernaatsuullutik, tatituujullutik, peqqissuullutillu nuannaarlutik innuttaaqataanissaminnut ineriartornissamut tunngavissinneqartut.

Peqqinnissamik siuarsaanermik pitsaaliuinermillu suliat Ineriartortitsinermut, Peqqinnermik Siuarsaanermut Pitsaaliuinermullu Immikkoortoqarfimmit ataqatigiissarneqassapput, tassani peqqinnissaq pitsaaliuinerlu pillugit siunnersortit suliassarivaat meeqqerivinni, atuarfinni klubbinilu sulisut peqqinnissamik siuarsaanermi pitsaaliuinermilu sulianik ikorfartorneqarnissaat.

Peqqinnissamik pitsaaliuinermillu siunnersortit pingaarnertut suleqatigisaat tassaapput meeqqerivinni, atuarfinni, klubbini Majoriamilu sulisut kiisalu avataani suleqatigisat: Politiit, Peqqinnissaqarfik aamma Paarisa.

Peqqinnissamik pitsaaliuinermillu siunnersortit neqeroorutit innuttaasunut tunngasut kommunip suliffeqarfiutaasa avataaniittut aamma katsorsaanissamik neqeroorutit ilanngullugit suliarineq ajorpaat.

Atassuteqarfissaq

Ineriartortitsinermut, Peqqinnermik Siuarsaaneq Pitsaaliuinermullu Immikkoortortaq

Ma-ipsp@sermersooq.gl

Suliniummik ataqatigiissaarisoq Ivalu Chemnitz oqarasuaat (+299) 367307