Peqqinneq Pitsaaliuinerlu pillugit Sullissivimmut paasissutissat uani nanisinnaavatit.

Peqqinneq Pitsaaliuinerlu pillugit Sullissivimmi suliassarititaasut

Meeqqanut, inuusuttunut aammalu innuttaasunut Peqqinneq Pitsaaliuinerlu aallaavigalugit suliaqarneq. Innuttaasut peqqissuunissaannut Naalakkersuisut periusissaat anguniagassaallu Inuuneritta II (paarisa.gl) aamma Kommuneqarfik Sermersuumi politikkikkut anguniakkat tunaartaralugit.

Kommuneqarfimmi Tamanut Kiffartuussivik, aamma immikkoortortat allat Isumaginninnermut Ingerlatsivik, Meqqanut Ilaqutariinnut Atuarfeqarnermullu Ingerlatsivik, politiit aamma Peqqinnissaqarfik suleqatigalugit.

Peqqinneq Pitsaaliuinerlu pillugit Sullissivimmit suliuniuteqarfiusut tassaapput nerisaqarnermut, pujortartarnermut, imigassamut aamma aanngajaarniutinut, timersornermut  aalanermullu tunngasut, angusassatut suliniutissatut.

– Attavik 146 nuna tamakkerlugu kinaassutsimik isertuussilluni oqarasuaatikkut siunnersuiffik.

Ajornartorsiuteqaruit imminut toqunnissamik eqqarsaateqaruit imminut toqussimasumilluunniit nalaataqarsimaguit siunnersorneqarsinnaavutit.

Oqarasuaatikkut siunnersuisarfik ammasarpoq ullut tamaasa nal. 19.00 – 21.00
Oqarasuaat atorneqarpat, taava kingusinnerusukkut sianeqqissinnaavutit.
Eqqarsaatit nuanniitsut kisermaateqinagit.
146-mut sianerit. Akeqanngilaq.

Meeqqat Oqariartuutaat tassaavoq Kommuneqarfik Sermersuup 2014-mi sapaatip akunnera 18-mut atatillugu paasititsiniaataa, meeqqat namminneq oqaatsitik atorlugit oqaasertalersugaat.

Meeqqat oqariartuutaat

Meeqqat angerlarsimaffimminni angajoqqaamik atornerluisuunerannik misigisaqarnikut misigisaqartartulluunniit, namminneq suna angerlarsimaffimminni piumasarinerlugu oqaaseqaataateqarput. Tassanilu piumavaat ajunngitsumik toqqissisimasumillu meeraanissartik inuusuttuunissartillu piumasaraat.

Ataani meeqqat oqariartuutaannik siammarterinermi atortussat nanisinnaavatit.

A1 Plakatit uani nanisinnaavatit. A3 Plakatit uani nanisinnaavatit. Quppersakkat uani nanisinnaavatit. Postkortit uani nanisinnaavatit.

Ikkatilliineq

Digitalikkut ikkatilliineq pillugu Kommuneqarfik Sermersooq 2014-imi quppersakkamik saqqummersitsinikuuvoq. Taannalu uani atuarneqarsinnaavoq.

Peqqinneq pitsaaliunerlu pillugit paasissutissat allat

 

Quppernerup imarisaa qanganitsersimava?

Quppernermut naqqiutissaqarpit?