Nuummi Inuusuttunik Sullissivik meeqqanut inuusuttunullu 6-iniit 23-t angullugit ukiulinnut assigiinngitsutigut immikkut ikiorsiinissamik neqerooruteqarsinnaavoq. Ajornartorsiutaasoq apeqqutaatillugu inuusuttoq neqeroorutit assigiinngitsut aamma sakkussat assigiinngitsut atorlugit ikiorserneqarsinnaavoq. Sullissivik, immikkoortoq apeqqutaalluni, ulluinnarni 07:00 - 22:00-llu akornanni ammasarpoq, inuusuttup piffissami tassani ikiorserneqarnissamik pisariaqartitsiffiani qulakkeerissalluni.

Inuusuttunik Sullissiviup neqeroorutigai:

  • Meeqqanik 6 -14-inik ukiulinnik sakkortuumik nalaataqarsimasunik katsorsaaneq. Katsorsaaneq meeqqanut sakkortuumik nalaataqarsimasunut tassani sumiginnagaaneq, kinguaasiuutitigut kannguttaatsuliorfigineqarneq, persuttagaaneq, toqukkut annaasaqarneq assigisaanulluunniit tunngatinneqarpoq.
  • Inuusuttunut 10 – 18 ukiulinnut inuttut, ilaqutariittut, inooqataanikkut imaluunniit ilinniagaqarnikkut unamminarsinnaasunik tunngasunik inuusuttunik siunnersuineq .
  • Inuusuttunut 18-23-nik ukiulinnut malitseqartitsineq. Malitseqartitsinermi inuusuttoq inersimasutut nammineerluni inuulernissamut ajunngitsumik ikaarsaartarpoq tamatumunnga ilanngullugu nammineq sinaakkusikkamik aaqqissuussamillu inuuneqalernissaq ilinniassallugu. Inuusuttut ulloq unnuarlu angerlarsimaffimmeersuuppata immikkoortortaqarfiup aniartuaarnermut ineeraataanut malitsigitillugu inuusuttut ineeraannut imaluunniit socialboligimut isertikkiartuaarsinnaanerannut periarfissaqarpoq.
  • Inuusuttunut 23-t tikillugit ukiulinnut aanngajaarniutinik katsorsaaneq isumaginninnermi perorsaanikkut tapersersorteqarluni atornerluinikkut ileqqut allanngortinnissaannut kajumissaarneqarluni imaluunniit ikiorserneqarluni peqqissumik inuuneqalernissamut ineriartortitsissaaq.
  • Ammasumik kinaassutsimik isertuussisumik inuusuttunut siunnersuineq Nuummi inuusuttunut tamanut angajoqqaavinullu neqeroorutaavoq. Neqeroorut inuusuttunut siunnersorneqarnissamik aamma aqqutissiuunneqarnissamik ajornartorsiutinut assigiinngitsunut isumaginninnissamut pisariaqartitsisunut tunngatinneqarpoq. Ammasumik kinaassutsimik isertuussisumik siunnersuisarfik sisamanngornerit tamaasa nal. 14-18 ammasarpoq, najukkanilu marluusuni takuneqarsinnaalluni: Farip Aqqutaa 10 aamma Saqqarlernut 14.

    Qanoq ilillunga Inuusuttunik Sullissivimmit ikiorserneqarsinnaavunga?

    Inuusuttoq inuusuttut sullissiviata ataatsimik imaluunniit arlalinnik neqeroorutaanik tigusisinnaaniaruni oqartussaaffeqarfimmi suliaqartartumit sullissivimmut innersuunneqarsimasuussaaq. Sullissisoqanngikkuit Meeqqanut Ilaqutariinnut Ingerlatsivik oqa. 36 70 00-imut attavigineqarsinnaavoq.

    Ammasumik kinaassutsimik isertuussisumik inuusuttunut siunnersuineq inuusuttunut tamanut taakkulu angajoqqaavinut Kommuneqarfik Sermersuumi najugaqartunut ammasumik neqeroorutaavoq. Taamaattumik inuusuttut tamarmik immikkoortortaqarfimmut isumaqatigiissuteqaqqaanngikkaluarlutik saaffiginnissinnaapput.

    Quppernerup imarisaa qanganitsersimava?

    Quppernermut naqqiutissaqarpit?