Angalanermut aningaasaateqarfiup siunertaraa kommunemi innuttaasut Kalaallit Nunaanni imaluunniit Kalaallit Nunaata avataani angalanissaminnik kissaatigisaqartut kissaataasa piviusunngortinneqarnissaannut periarfissinneqarnissaat angalanermut aningaasaateqarfimmit tunineqarnermikkut.

Kommuneqarfik Sermersuup angalanissamut aningaasaateqarfia pillugu aalajangersagaq

§ 1. Kalaallit Nunaanni imaluunniit avataani angalanissamut kissaatigisat piviusunngortinnissaannut kommunimi innuttaasut aningaasaateqarfikkut periarfissinneqarnissaat. Aningaasaateqarfiup siunertaa tassaavoq innuttaasut ataqatigiinnermik misigisaqartinnerisigut nunanullu tamalaanut paasisimasaqalernikkut avinngarusimanerup ajortumik kinguneqartitsisinnaanerata pitsaaliornissaa.

§ 2. Angalanissamut aningaasaateqarfik Kommuneqarfik Sermersuumi najugaqartunit innuttaasunit qinnuteqarfigineqarsinnaavoq.

§ 3. Angalaffigisassanut tapiissutit qinnuteqartup inoqutigisaanut tamakkiisumik ilaannakuusumilluunniit tunngatinneqarsinnaapput.

§ 4. Qinnuteqartoq makkuninnga paasissutissiissaaq:

1) angalaffigisassaq,

2) inuit kikkut qinnuteqarnermut ilaanersut, inuillu taakku qinnuteqartumut attuumassuteqarneri,

3) angalanermi aningaasartuutissatut naatsorsuutigineqartut immikkoortitikkamik naatsorsorneri,

4) aallarnermut uternermullu piffissaq,

5) qinnuteqartoq siusinnerusukkut aningaasaateqarfimmit tapiiffigitinneqarsimanersoq, aamma

6) sulinngiffeqarnermut assigisaanulluunniit atatillugu qinnuteqartup kingullermik angalasimanera.

§ 5. Tapiiffigitinnissamut neriorsuut inummut tunngasuuvoq allanullu tunniunneqarsinnaanani, taarsigassarsianut qularnaveeqqutigineqarsinnaanani imaluunniit eqqartuussisutigoortumik sulissutigititsinermut atorneqarsinnaanani.

§ 6. Aningaasaateqarfimmiit aningaasaliinermi pingaartumik uku eqqarsaatigineqassapput:

1) Qinnuteqartup kommunimi kommunilu pillugu sunniuteqarnera, taamatut sunniuteqarnera angalanissamut pissutissaqaertitsilerpat

2) Angalanerup siunertaa, tassunga ilanngullugu angalaneq imatut peqataasinnaasoq

a) ilaqutariit akornanni ataqatigiinneq annertunerulersillugu

b) Kalaallit Nunaanni kulturikkut assigiinngissutsinut paasisimasaqalersillugu, imaluunniit

c) kulturimut allamut paasisimasaqalersillugu

3) Nr. 1 aamma 2-mut atatinneqarsinnaanngitsut immikkut pissutsit, aamma qinnuteqartup aningaasaqarnikkut atugarisaanut tunngassuteqanngitsut.

§ 7. Angalanissamut aningaasaateqarfik siulersuisunit tallimanik ilaasortaqartumit aqunneqassaaq, nammineersinnaassusillit, tatiginartut tusaamanerlugaanngitsullu.

Imm. 2. Siulersuisut kommunalbestyrelsimit toqqarneqassapput. Siulersuisunut toqqagaaneq kommunalbestyrelsip qinigaaffiani atuuttussaavoq.

Imm. 3. Siulersuisuniipput kommunalbestyrelsimi ilaasortat pingasut aamma sulisut sinniisaat marluk. Siulersuisuni ilaasortanut tamanut sinniisussamik toqqaasoqassaaq.

Imm. 4. Siulersuisut iluminni siulittaasussamik qinersissapput.

§ 8. Aningaasaateqarfiup aningaasaatai ukiumut ataasiarluni qinnutigineqarsinnaapput

ANGALANERMUT LEGATI 2018

Angalanissamut kissaativit piviusunngortinnissaanut ikiussavatsigit?

2018-imi angalanissamut akiliutsinnissamut Kommuneqarfik Sermersuumut qinnuteqarit.

Kommunimi innuttaasut Kalaallit Nunaanni avataaniluunniit angalanissamut piviusunngortinnissaannut periarfissiineq. Angalanissamut qinnuteqaateqarnermi inoqutigiit tamaasa ilaannaalluunniit akiliunneqarsinnaapput. 2018-imi angalanissamut taamaallaat qinnuteqarsinnaavutit – 2018-imi apriili qaammat sioqqullugu angalanissamik pilersaarutillit tapiissuteqarfigineqarsinnaangillat –  tassa Angalanissamut aningaasaateqarfimmi siulersuisut apriilip naalernerani ataatsimiinissat aatsaat pisussaammat, tassanilu tapiissutinik agguaanissaq pillugu aalajangiissallutik.

Tapiiffigineqarsinannaanngitsut:

– Paasisassarsiorluni angalanernut, arlalikkuutaarluni angalanernut assigisaannulluunniit
– Namminneq imaluunniit aapparisap/inooqatip atorfeqarneranut atatillugu sulisitsisumit akiliunneqarluni angalasinnaasunut
– Aningaasaateqarfiit allat aqqutigalugit akiliunneqarluni angalasinnaasunut
– Innarluutillit akiliunneqarlutik angalasinnaasunut
– Ilinniagaqartut akiliunneqarlutik angalasinnaasunut

Tapiinissamut aalajangiinissamut tunngaviit tunngaviliisussat:
– Angalaneq ilaqutariit akornanni ataqatigiinnermik
– Angalaneq Kalaallit Nunaanni kulturip assigiinngisitaarneranik paasisaqarnerulersitsissa-soq, imaluunniit
– Angalaneq kulturimik allamik paasisaqarnerulersitsissasoq
– Pisussat allat immikkut ittut

Immersugassaq eqqunngitsumik amigartumillu immersorsimasoq akuerisaanngilaq.

Qinnuteqarnissamut immersugassaq Kommuneqarfik Sermersuumi Nuup, Paamiut, Tasiilap Ittoqqortoormiillu innuttaasunut sullissiviinut saaffiginninnikkut kiisalu kommunip nittartagaani www.sermersooq.gl-imi “Innuttaasunut” allaqqasup ataani piniarneqarsinnaavoq.

Qinnuteqarnissamut immersugassaq immersoriigaq, Innuttaasunut Sullissivinnut tunniunneqarsinnaavoq imaluunniit e-mailikkut nassiunneqarsinnaalluni: kommuneqarfik@sermersooq.gl

Qinnuteqaatit kingusinnerpaamik tallimanngorneq 16. marsi 2018 tiguneqariissaaq.

Paasissutissanik allanik pissarserusukkuit sullissisoq Berti Bourup, oqarasuaatikkut 367026-mut saaffigisinnaavat.

Qinnuteqaatit amigartumik immersorneqarsimasut naliliiniarnermi ilanngunneqassanngillat.

Qinnuteqarnermi immersugassaq aamma Qinnuteqarnermi immersuinissamut ilitsersuut pissarsiarineqarsinnaapput Kommuneqarfik Sermersuup Illoqarfiini tamani Saaffiginnittarfiini saaffiginninnikkut, qulaaniittulluunniit toornerisigut aallugit.

Quppernerup imarisaa qanganitsersimava?

Quppernermut naqqiutissaqarpit?