Inatsisitigut tunngavissat ileqqoreqqusallu

Uani Kommuneqarfik Sermersuumi kommunalbestyrelsip suleriaasissaa aamma aqutsineq pillugu ileqqoreqqusaq kiisalu aqutsinermut inatsit takusinnaavatit.

Suleriaasissat

Kommunalbestyrelsip suleriaasissai kommunalbestyrelsip suliassani qanoq suliarissanerai pillugit malittarisassanik imaqarpoq, taamaattumik suleriaasissat aqutsinermut sakkussaapput pingaarutillit.

Kommuneqarfik Sermersuumi kommunalbestyrelsip suleriaasissai

Aqutsineq pillugu ileqqoreqqusaq

Kommuneqarfik Sermersuumi kommunalbestyrelsimi aqutsineq pillugu ileqqoreqqusaq allakkiaavoq, tassanilu kommunimi politikikkut suliassaqarfiit suliassaat ingerlatsinerallu pillugit erseqqinnerusumik killiliussat allaaserineqarput. Aqutsineq pillugu ileqqoreqqusami ilaatigut kommunimi aqutseriaaseq, ataatsimiititat ataavartut suut kommunimi pilersinneqarsimanersut, tamakku suliassaat aamma suliassat suut borgmesterip isumagisussaanerai allassimapput. Aqutsineq pillugu ileqqoreqqusaq Naalakkersuisunut nassiunneqartussaavoq.

Kommuneqarfik Sermersuumi kommununalbestyrelsimi aqutsinermi ileqqoreqqusat

Aqutsineq pillugu inatsit

Kommunit aqunneqarnerat pillugu Inatsisartut inatsisaanni, ulluinnarni aqutsinermut inatsimmik taaneqartartumi, kommunini inatsisitigut killiliussat aalajangersarneqarput. Inatsimmi ilaatigut kommunini ataasiakkaani kommunalbestyrelsit qassinik ilaasortaqassanersut, borgmesterip aamma borgmesterip tulliata atuuffii kiisalu kommunit aningaasanik aqutsinissaat aalajangersarneqarput.

Kommunit aqunneqarnerat pillugu Inatsisartut inatsisaat nr. 29, 17. november 2017-imeersoq

Oqartussaqarfiit immikkoortortaannut pilersaarut

Piginnaatitsinermik agguataarinissamut pilersaarummi takuneqarsinnaapput kommunalbestyrelsimi, ataatsimiititani aammalu aqutsisuni oqartussaqarfiit immikkoortiterneqarfiini inissisimanerisa qanoq oqartussaassuseqartiginerat. Kommuneqarfiup aqutsisoqarnermut inatsisaa tunngavigalugu kommunalbestyrelse oqartussani qullersaavoq, taamalu kommunip suliaqarfigisaa tamakkerlugu akisussaasuunerulluni. Taamaalilluni kommunalbestyrelse suliani kommunimut tunngassuteqartuni tamani aalajangiisinnaasutut oqartussaassuseqarpoq.

Kommuneqarfik Sermersuumi oqartussaqarfiit immikkoortortaannut pilersaarut

Atsiortussaatitaaneq

Suleriaatsimi matumani isumaqatigiissutit atsioqatigiissutillu tamarmik pineqarput, aningaasatigut imaluunniit inatsisitigut pituttorsimasut, taamaallaat atorfinitsitaanermi isumaqatigiissutit minillugit.

Kommuneqarfik Sermersuumi atsiorsinnaatitaaneq

Suleqatigiinnissamik isumaqatigiissutit

Kommuneqarfik Sermersuumi, kommunalbestyrelsimi 2022-mit – 2025-mut suleqatigiinnissamut isumaqatigiissut Inuit Ataqatigiit aamma Naleraq akornanni