Quppernermi uani atuartut angerlarsimaffii kommunimit pigineqartut annerusumik atuarsinnaavatit – Uani ilaapput Kommuneqarfik Sermersuumi atuartunut angerlarsimaffimmut innersuussisarnerup ingerlasarnera aamma innersuussinermi ataatsimiititaliat suliaasa allaaserineqarnerat ilaavoq.
Atuartunut angerlarsimaffiup siunertarivaa, atuartunut pisussaaffilimmik, killiliisumik naleqartinneqartumillu najugaqartitsinissaq, taamaaliornikkut atuartut atugaqarnerat, peqqissusiat, toqqissisimanerat aamma ilinniarnissamut inuttullu ineriartornissamut killissat patajaatsuullutik. Atuartut angerlarsimaffianniinnermi atuartut atuarnerat aamma ilinniakkaminnik naammassinnissinnaanissaat tunngavissinneqartarpoq. Atuartut angerlarsimaffianniinnissaq atuartunut 9. aamma 10. klassini atuartunut namminneq illoqarfigisaminni nunaqarfigisaminniluunniit Meeqqat atuarfiat pillugu Inatsisartut inatsisaat naapertorlugu atuarnissamik neqeroorfigineqarsinnaanngitsunut neqeroorutaassaaq. Illoqarfigisami nunaqarfigisamiluunniit imatut paasineqassaaq, illoqarfik nunaqarfilluunniit atuartut maannakkut atuarfigisaat. Atuartut angerlarsimaffiini inersimasunik atuartunik isumaginnittussanik atorfeqartitsisoqarpoq. Atuartut angerlarsimaffiini najugaqartitsineq akeqanngilaq, atuartullu taakkunani najugaqarnerminni nerisaqartinneqartarput. Angajoqqaalli meeqqamik atisassaat ulluinnarnilu pisariaqartitaat allat namminneq isumagisassaraat.
Elevhjem
Nuuk
Atuartut angerlarsimaffiat – Kisermaaq
C.E. Janssensvej 23A
Postboks 2060
3900
Pisortaq: Karl Ole Petrussen
Mail: kope@sermersooq.gl
Telefoni: +299 366965
Tullersorti: Thomas Eriksen
Mail: ther@sermersooq.gl
Telefoni: +299 367568
Tasiilaq
Ugeerngaerderpi
Attertumut B-1336
Postboks 13
3913 Tasiilaq
Mail: ugeergaerderpi@sermersooq.gl
Telefoni: +299 367790 / +299 492910
Pisortaq: Karen Knudsen Bianco
Mail: kknu@sermersooq.gl
Telefoni: +299 367828 / +299 560103
Tullersorti: Ottoline Sakæussen
Mail: otsk@sermersooq.gl
Telefoni: +299 367731
Kommuneqarfik Sermersuumi tulleriissaarinermut ataatsimiititaliamut sinaakkutissatut nassuiaat aammalu atuartut angerlarsimaffianni tulleriissaarinermut suliat ingerlanneqartarnerannut periusissaq
Namminersorlutik Oqartussat nalunaarutaanni nr. 76 21. decembari 2021-imeersumi atuartut angerlarsimaffianni najugaqarnermi kommunit tulleriissaarinermut ataatsimiititaliaqarnissamik pilersitsinissamik pisussaaffiligaapput.
Nalunaarut malillugu kommunip atuartunut angerlarsimaffiini atuartunik tigooraanermi tulleriissaarinermut suliat ingerlanneqartarnerat pillugu sinaakkusiussat kommunip nittartagaanut tamanit takuneqarsinnaasunngorlugit ilineqartussaapput.
Matumani tulleriissaarinermut ataatsimiititaliamut sinaakkutissatut nassuiaatip aammalu tulleriissaarinermut suliat ingerlanneqartarnerannut periusissap imarisai siulliit tassaapput tulleriissaarinermut ataatsimiititalianut tunngatillugu nunatsinni aalajangersakkat nalunaarummi paragraffit 13, 21, aammalu 23-miit 25-mut misissornerat. Aappaatullu Kommuneqarfik Sermersuumi tulleriissaarinermut suliat qanoq ingerlanneqartarnerinut sinaakkutissatut nassuiaatit allaatigineqarput.