Terianniat pisarineqarsinnaapput Maanna Nuummi Paamiuni kitaanilu nunaqarfinni terianniat piniagaanerannut peqataasoqarsinnaavoq: maajip 15-iata tungaanut 2024.
Nuup aamma Paamiut eqqaanni teriannissat amerlassusaannut atasumik kommunalbestyrelse aalajangerpoq, maajip 15-iata tungaanut teriannissat piniagaasinnaasut. Piniartunit terianniaq pisarineqartoq ilivitsuutillugu 250 koruuninik akissarsissutigalugu kommunimut tunniunneqarsinnaavoq.
Teriannissanik tunniussineq
Illoqarfiit:
Terianniaq tigooraavimmi sulisumut tunniunneqassaaq. Terianniaq ilivitsuussaaq igitassanullu puussiamik poorneqarsimassaaq. Terianniaq sulisumit igitatut ikuallanneqarsinnaasutut ikuallaavimmi ikuallatassatut nassiunneqarnissaa isumagineqassaaq. Tunniussinermut uppernarsaat sulisumit immersorneqassaaq kingornalu piniartup uppernarsaatini immikkoortortap allaffianut saaffiginnissutigissavaa.
Nuummi: Eqqagassaleriffimmi:
Paamiuni: Kommunip allaffiani ingerlatsinermut avatangiisinullu immikkoortortami.
Nunaqarfinni:
Piniartoq terianniartami tunniunnissaanut sulisut aqutsisuannut saaffiginnissaaq. Terianniaq ilivitsuussaaq igitassanullu puussiamik poorneqarsimassalluni. Sulisut aqutsisuata terianniaq igitatut ikuallanneqarsinnaasutut, ikuallaavimmut umiarsuakkut nassiunneqartussanngorlugu isumagissavaa. Sulisut aqutsisuannit tunniussinermut uppernarsaat immersorneqassaaq, kingornalu piniartup kommuneqarfiup allaffianut tunniussinermut uppernarsaatini saaffiginnissutigissavaa.
Teriannianik piniarneq pillugu allagaatit tulliuttuni atuarneqarsinnaapput:
- Teriannianik piniarneq
- Teriannissat illersorneqarnerat aamma piniagaanerat pillugit Namminersorlutik Oqartussat nalunaarutaat.
Perlerortoqarneranik pasitsaassinermi ingerlatseriaaseq tulliuttumi malinneqassaaq: