Ullumikkut Nuummi Aalborgimut ulloqartitsinerit aallartissapput, apriilip ulluisa 23-aniit 26-ata 2024 tungaanut ingerlanneqartussat. Aalborgimut ulloqartitsinerni Aalborgip aamma Nuup akornanni suleqatigiinnermik nukittorsaataassapput, taakkunani immikkut ukkatarineqassallutik kulturimut inuussutissarsiornermullu tunngasunik avitseqatigiinnissat. Peqataasussat 100-t sinneqartut suliffeqarfinnit assigiinngitsuneersut, taakkununnga ilaallutik inuussutissarsiuteqarfiit, ilinniarfeqarfiit kulturimullu tunngasunik suliallit peqataanissaat naatsorsuutigineqarpoq.
Aaqqissuussineq aallarnerlugu tikilluaqqusilluni Aalborgimeersut nereqatigineqassapput aammalu tikilluaqqusilluni tusarnaartitsissapput Norkraft Big Band, kalaallit eqqumiitsuliortut Ida Kleist aamma Aviaja Lumholt peqatigalugit.
Tusarnaartitsineq, Katuap inersuani aallartissaaq nal. 19:30, kikkunnut tamanut akeqanngitsumik ammavoq.
Ulluni sisamani ingerlanneqartussani aamma aqagu inuussutissarsiorneq pillugu ataatsimeersuartoqassaaq suliffeqarfiillu arlaqartut pulaarneqassapput. Nuummi aamma Aalborgimi inuussutissarsiornermut tunngasuni aqutsisut oqaloqateqarnissamut ulluni taakkunani periarfissaqassapput, siunissami aningaasaliiffissat suleqatigiissutigineqarsinnaasullu aqqutissiuunniarlugit.
Pilersaarutini sammineqartussat pingaarutillit ilagivaat suliffeqarfiit assigiinngitsut akornanni naapinnissat, taakkunani peqataasut ilisimasanik misilittakkanillu avitseqatigiinnissaat periarfissaassalluni, ilinniartitaanermi aaqqissuussinerniit kulturikkut suliniutit tamaasa ilanngullugit.
Kulturikkut avitseqatigiinnernut ilaatillugu aamma pilersaarutigineqarpoq 3. klassimiit 5. klassimut atuartut tusarnaartitsinissaat.
Aamma politikkikkut workshoppertitsinissaq pilersaarutini qitiutinneqarpoq, tassani siunissami suleqatigiissutigineqarsinnaasut aammalu ungasinnerusoq eqqarsaatigalugu suleqatigiissutissat oqallisigineqassallutik.Aalborg Kommuneanik ikinngutigiinnermi aaqqissuussinerit ukiut allortarlugit ingerlanneqartarput. Tullianik aaqqissuussinerit ingerlanneqassapput Aalborgimi 2026-mi taamanikkussamut Nuuk ulloqartinne