Ukioq manna tuttunniassamaarpit?
Eqqaamallugu piareersarnerit angerlarsimaffimmiit isumagisinnaagakkit. Namminersorlutik Oqartussat nittartakkakkut imminut sullissivikkut, Sullissivik.gl-ikkut, tuttunniarnissamut akuersissutit ajornanngitsuaqqamik aasinnaavatit – taamaaliornikkullu Innuttaasunik Kiffartuussivimmi utaqqisariaarutissaatit.
Nutaarsiassat
Nuummi AKO Inussuk-mut nutsernissamik aamma aallartinnissamik nalunaarut.
Atuarfik Inussuk ammarneranut atatillugu AKO Inussuk, Nuummi atuareernerup kingorna ornittakkamut nutsernissaq aamma aallartiffissaq assigiinngitsunik ullulerneqarput.
Naluttarfik Malik-up nutarterneqarnerani killiffik
Naluttarfik Malimmiit nuannersumik nutaarsiassaqarpoq. Naluttarfik nutarterniarlugu 1. Marts 2026 matuneqarneraniit ulapaarfiusimavoq. Illorsuaq tamakkerlugu imaarneqarsimavoq, 1.maaji aallartiffigalugu maskiinat aamma atortussiat nutaanngilisut aserfallattullu piiarlugit sulineq aallartissimavoq.
Kommuneqarfik Sermersuumi nuutsitsisarfik maanna ajorallarpoq
Kommuneqarfik Sermersuumi nuutsitsisarfik maanna ajorallarpoq, aaqqinnissaa sulissutigineqarpoq. Aaqqeriarpat maana nalunaarutigissavarput.
Paaqqinnittarfinnut akiligassat juulimi aamma aggustimi 2026-mut Kommuneqarfik Sermersuumi maanna nassiussuunneqarput.
Juulimi aamma aggustimi 2026 akiligassat systemip ajutoornerata kingorna akiligassatut suliarineqarsinnaasimanngillat. Maanna systemi iluarsimmat akiligassat innuttaasunut PBS, e-Boks aamma allakkat aqqutigalugit nassiussuunneqarput.
Kommunip Sommerskole Tasiilaq tapersersorpaa
Sommerskole Tasiilaq sapaatit-akunnerini marlunni ataatsimoorfiusumik, ilikkagaqarfiusumik misigisaqarfiusumillu ukioq manna sammisassaqartitseqqimmat, meeqqat inuusuttullu 240-t missaanniittut aasaanerani atuanngiffeqarnerminni kingumut sammisassaqarluarput.