Suliffeqarnermut Isumaginninnermullu Ataatsimiititaq Paamiunut angalalerpoq. Taamaattumik innuttaasut politikkerit naapillugit kaffisoqatigisinnaajumaarpaat.
Suliffissaqarnermut Isumaginninnermullu Ataatsimiititaq apriilip 16-ianniit 18-iata tungaanut Paamiuniissaaq. Innuttaasut tikeraartoqarnerani kaffisoqatigiinnissamut qaaqquneqarput, tamannalu pissaaq Taqqissuummi apriilip 16-ianni nal. 19.00 – 20.30. Kaffisoqatigiinnissamut nalunaartoqartariaqanngilaq.
Kaffisoqatigiinnerup saniatigut, ataatsimiititami siulittaasoq Inge Olsvig Brandt oqaloqatiginissaanut periarfissaqassaaq. Innuttaasunik oqaloqatiginninnissamut periarfissaqassaaq apriilip 17-ianni 2024-mi nal. 15.15 – 16.15.
Taamatut periarfissiinermi Paamiuni innuttaasunut ataatsimiititami siulittaasumik oqaloqateqarnissamut periarfissiineruvoq. Imatut killiliissutaanngikkaluartoq oqaloqatiginninneq kommunimi isumaginninnermut suliffeqarnermullu tunngasinnaapput, taakkununnga ilanngullugit pisortat isumaginninnikkut ikiorsiissutaannik, utoqqalinersianik siusinaartumillu soraarnerussutisianik, imigassamik atornerluisunik katsorsaaneq, inuit innarluutillit tapersersorneqarnerat, suliffissaqartitsiniutit, Majoriaq, Piorsaavik aammalu suliffissaqartitsineq.
Suliffissaqarnermut Isumaginninnermullu Ataatsimiititamut attuumassuteqartut pillugit innuttaasut ataatsimiititami siulittaasumik oqaloqateqarsinnaanerannut siunnersuuteqarsinnaanerannulluunniit periarfissaqaqataarusuppit, taamaappat Pernille Ødegaard attaveqarfigiuk. Taamaaliorsinnaavutit uunga mailerlutit: pega@sermersooq.gl