Attertumut, Illoqarfiup ilaanut pilersaarummi immikkoortoq 30A6, Tasiilaq.
Kommuneqarfik Sermersuumit matumuuna nalunaarutigaa, Attertumi inissiaqarfiup meeqqeriveqarfiullu nalaani sanaartorfissaq atugassiissutigineqariaannanngortoq ataaseq.
Inissiaqarfimmut pingaarnertut aalajangersakkat kommunip nittartagaani takuneqarsinnaapput imaluunniit Sanarfinermut Avatangiisinullu Ingerlatsiviup Nunaminertanut Illuliornermullu Oqartussaqarfianut saaffiginnilluni noqqaassutigineqarsinnaapput.
Sanaartorfissaq pingaarnertut aalajangersakkami ilanngunneqarpoq, uani Kommunimut pilersaarummut tapiliussaq 30A6, Tasiilaq. Kiisalu aalajangersakkat sukumiisuni ”30a61_dk pdf” uani Sermersooq kommuneplan 2028.
Sanaartorfissaq B-336-ip isaterneqarsimasup toqqavianiippoq. Sanaartorfissami tassani sanaartortussaatitaaneq piumasaqaataavoq.
Nunaminertamik atugassinneqartussaajumaartunut atuuttussat imaapput:
- B-336 isaternera naammassineqanngitsoq tamakkerlugu isaterneqassaaq
- Illu quleriinnik marlunnik portunerussanngilaq
- Illu atuarfeqarnermut/ilinniartunut inissanut siunertanut atugassanngorlugu napparneqassaaq
- Illu 12 meterinit portunerussanngilaq, illup saavani isertarfittalimmi nunamiit uuttorlugu
Nunaminertamik atugassinneqarumaartussap sanaartorfissami sanaartorfissagissaaneq isumagissavaa.
Nammineq sanaartorfissagissaanermi pineqarlutik nunataanik naleqqussaaneq, imertaajaaneq, pingaarnertut pilersuinermut aqqutilersuineq; innaallagiaq, tele, imeq kiisalu biilinut inissiisarfik. Sanaartorfissagissaanermut pilersaarut ataatsimoortoq Kommuneqarfik Sermersuumit akuersissutigineqassaaq.
Nunaminertamik atugassinneqarumaartussat periusissat nalinginnaasut malissavaat, innersuussutigineqarluni agguaassinermut atatillugu nunaminertamik atugassiisarnermut aalajangersakkat aamma sanaartorfissamik inniminniinissamut/nunaminertamik atugassinneqarnissamut tunngasumik nalunaaruteqarneq.
Kikkut qinnuteqarsinnaappat?
- Kinaluunniit inuk, suliffeqarfik, piginneqatigiiffik peqatigiiffilluunniit inatsisitigut akuerisaasoq nunaminertamik qinnuteqarsinnaavoq.
Qinnuteqaammut ilanngunneqassapput:
- Suliniutip allaaserineqarnera
- Sanaartornermi piffissamut pilersaarut
- Qinnuteqartup sanaartornermik naammassinninnissamut akissaqarneranut takussutissaq
Takussutissaq tassaassalluni bankimiit uppernarsaat. Qinnuteqartup sanaartornermik naammassinninnissamut akissaqarneranik aningaaserivik uppernarsaassaaq.
Qinnuteqaatit taakkuninnga paasissutissanik imaqartut kisimik nalilersorneqassapput. Qinnuteqaatip tamakkiisuunissaa eqqortumillu paasissutissiisuunissaa qinnuteqartup akisussaaffigaa.
Qinnuteqaatit kingusinnerpaamik 31-01-2018 tiguneqarsimasut tamarmik ataatsikkut tiguneqartutut isigineqassapput. Qinnuteqartut amerlassusii apeqqutaatillugu sanaartorfissanik agguaassineq makitsinikkut pissaaq.
Annertunerusumik paasissutissarserusukkaanni Sanarfinermut Avatangiisinullu Ingerlatsivimmut paasiniarneqarsinnaapput, oqarasuaat 36 74 41.
Nunaminertamik inniminniiniarluni qinnuteqaat ilanngussartai tamaasa ilanngullugit uunga nassiunneqassapput, Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk, imaluunniit elektroniskimik uunga sai@sermersooq.gl