Meeqqanut Atuarfeqarnermullu Ingerlatsiviup meeqqanut inuusuttunullu siunnersuisarfia MISI pillugu atuarnerusinnaavat. Ajornartorsiutit suut MISI-p ikiorsiissutigisinnaagai tulliuttuni atuarsinnaavatit.
MISI angajoqqaanut aamma sulianik ilisimasalinnut meeqqanik inuusuttunillu 0-imiit 18-inik ukiulinnik sullissisunut perorsaanikkut tarnip pissusiinik siunnersuinermik ingerlataqarluni siunnersuisarfiuvoq. MISI meeqqat ineriartornerat, atugarissaarnerat ilikkagaqartarnerallu pillugit ajornartorsiutit pillugit siunnersuisarpoq. Ornigulluni aamma qarasaasiakkut onlinekkut Kommuneqarfik Sermersuumi paaqqinnittarfiit, atuarfiit innuttaasullu siunnersorneqarnissaminnut periarfissaqarput.
Ulluunerani paaqqinnittarfiit aamma AKO
MISI unammillernartut misigineqartartut imaluunniit sammisat pingaarnerit pillugit ulluunerani paaqqinnittarfiit aamma AKO-nut siunnersuinermik neqerooruteqartarpoq. Ulluunerani paaqqinnittarfiit aamma meeraq aalajangersimasoq pillugu siunnersorneqarusulluni saaffiginnissinnaavoq (AKO-p tassani meeqqap atuarfia attavigissavaa, atuarfiullu aqutsisua kingorna saaffiginnissaaq).
- Ulluunerani paaqqinnittarfiup aamma AKO-p ajornartorsiut/sammisaq aalajangersimasoq pillugu saaffiginninnerminnut immersugassaat. (Immersugassaq)
- Ulluunerani paaqqinnittarfiup meeraq aalajangersimasoq pillugu saaffiginninnermut immersugassaa. (Immersugassaq)
Atuarfiit
MISI-p atuarfinnut unammillernartut imaluunniit sammisat pingaarnerit pillugit siunnersuinissamik neqerooruteqartarpoq. Aamma atuarfiit atuartut eqimattat imaluunniit atuartoq aalajangersimasoq pillugit siunnersorneqarusullutik saaffiginnissinnaapput. Illit ilinniartitsisutut MISI-mut saaffiginninnginninni atuarfiup ilinniartitsisua siunnersuisartoq attavigeqqaassavat, saaffiginninnermut piumasaqaatit naammassineqarsimanersut akueriniassammagit.
Angajoqqaat
MISI angajoqqaanut siunnersuilluni 1-4-riarluni oqaloqatiginninnernik neqerooruteqartarpoq angerlarsimaffimmi unammillernartut misigineqarsimasut pillugit. Saaffiginnissut meeqqap atuarneranut tunngassuteqarpat, angajoqqaat meeqqap klasselærerianut attaveqassapput.
Saaffiginninnermut immersugassaq immersorneqarsimasoq uunga nassiunneqassaaq: MISI@sermersooq.gl Wordfil-itut.
Saaffiginninnermut ikiorneqarneq
Saaffiginninnermut atatillugu immersuininni apeqqutissaqaruit, oqarasuaatikkut 36 63 30-mut saaffiginnissinnaavutit. Angajoqqaanut aamma neqeroorutigaarput illit/ilissi isumaqatigiissuteqaqqaarasi ornigullusi saaffiginnissinnaasusi uunga Kuussuaq 17, Nuuk, tassani MISI-mi sulisup saaffiginninnermut immersugassamik immersuininni/-nissinni ikiussavaasi.
FAQ – Apeqqutit apeqqutigineqarnerpaasartut (Allagartaq uppernarsaat)