Nutaarsiassat
Timersortartut ulluat 2026 – innersuussigit
Ukiut tamaasa Kommunimit ingerlanneqartartoq Timersortartut Ulluat januaarip 6-iani ingerlanneqartartoq qanilliartorpoq. Tassungalu atatillugu inussiarnersumik piumaffigerusuppatsigit ukioq 2025-mut atatillugu timersoqatigiiffissi iluanni malunnaateqarluarsimasumik/-nik tunngavilersuuteqarluartunik innersuussuteqaqqullusi.
Angerlarsimaffimmi ikiortit allaffiat nuuppoq
Angerlarsimaffimmi ikiortit allaffiat Aqqusinersuaq 9-mit Imaneq 30-mut 1. sal-imut nuuppoq.
Immikkoortiterissut Zemler MS 1600 tuniniarneqarpoq
Kommunip immikkoortiterissut Zemler MS 1600 akitsorterussinikkut tuniniarpaa. Maskiina takuneqareerluni aammalu tuniniaasumit akisussaaffigineqarani tuniniarneqarpoq.
Inuusuttorpaaluit inersimasunngoriartornerminni tapersersorneqartut
Inuusuttut katillugit 39-t Kommuneqarfik Sermersuumit malinnaaffigineqarlutik ukiuni kingullerni tapersersorneqarput – suliniut inuusuttut inissineqarsimasut amerlanerusut inersimasutut namminneerlutik inuulernissaannut ikiorneqartarnerannut nukittorsaasuuvoq. Amerlanerpaat 18-inik ukioqalernertik inersimasutut inuunermut ikaarsaarfigisarpaat.
Sanarfinermut Avatangiisinullu Ingerlatsivik ininut allanut nuukkallartoq
Ingerlatsivik Sermitsiap inigisimasaanut Sipisaq Avannarleq 10B-mut nuukkallarpoq, Nota Benep qulaani inigisaagalui atuarfeqarnermut ingerlatsivimmit attartortinneqarnerat pissutigalugu.