Quppernermi uani qimmit qitsuillu, kommunimit tiguneqarsimasut inuttassarsiornerat aammalu uumasunik tunniussineq pillugit atuarnerusinnaavatit.
Kommunip qimmilerisuanit qimmit qitsuillu tiguneqarsimasut piginnittuinik ujaasineq.
Kommunip inatsisit malittarisassai aallaavigalugit, qimmit qitsuillu tamarmik perlerornermut kapitittassapput.
Uumasoq tiguneqaarnermi inatsisitigut eqqortumik perlerornermut uppernarsaammik peqanngikkuni, kommune pisinnaatitaavoq uumasoq perlerornermut kapissallugu piginnittup akiligassaanik.
Perlerornermut kapitinnermut aki, januaari 2018-imi:
Qimmeq; / Qitsuk 560,-
Qimmit qitsuillu tiguneqarsimasut tamarmik Uumasut Ikinngutaannut paarisassanngortinneqartassapput, Nuukullak 34-miittumut.
Uumasumik piginnittoq akunnerit 72-it iluanni nassaarineqanngippat, piginnittumut taarsiissutitaqanngitsumik, uumasoq toqunneqassaaq.
Attavigisassaq +299 367400
Uumasut nalunaarutigineqartut tigoqqinneqassappata uunga saaffiginnissaasi tlf qulaani allassimasoq piffissani ukunani:
Ataasinngornermiit Tallimanngornermut 9-14 (qulingiluaniit pingasunut)
Arfininngorneq Sapaallu 13-14 (ataatsiniit marlunut)
Uumasumik aallerneq Kommuneqarfik Sermersooq aqqutigalugu ingerlassaaq piffissani allassimasuinnarni.
Piginnittoq aallernermini uumasuuteqarsinnaatitaanermut uppernarsaammik atuuttumik nassassaaq kiisalu perlerornermut uppernarsaammik atuuttumik, peqanngikkuni uumasoq perlerornermut kapineqassaaq piginnittumut tunniunneqannginnerani. Piginnittup nammineq akiuussutissamik kapitinnera akilissavaa.