Ulluunerani neqeroorutinut qinnuteqarneq
Qitornat ulluunerani neqeroorutiniittalernissaa kissaatigigukku ukunatigut qinnuteqarsinnaavutit sullissivik.gl -ikkut nammineq sullinnikkut suliarisinnaavatit imaluunniit Kommuneqarfik Sermersooq nittartagaani www.sermersooq.gl immersuiffissaq aaneratigut aamma periarfissaavoq illoqarfinni nunaqarfinniluunniit Innuttaasunik Kiffartuussivianut ornigullutit saaffiginninnikkut kiffartuunneqarnikkut.
Utaqqisut allattorsimaffiannut allatsissinnaanermi paasissutissat:
- Allatsinnermi kommunimi najugaqartutut nalunaarsorsimasariaqanngilaq
- Kommunimut nuunnissaq ukiup affaanik sioqqutsillugu qinnuteqartoqarsinnaavoq
- Siusinnerpaamik qinnutigineqarsinnaavoq, meeqqap tallimanik qaammateqalerfiani
- Ulluunerani neqeroorutinik amerlanerpaamik pingasunik kissaateqartoqarsinnaavoq
Illoqarfinnut nunaqafinillu taakkununnga attuumassuteqartunut tamanut immikkut utaqqisunut allattorsimaffeqarput, qaammatillu tamaasa ullormi suliffiusumi siullermi kisitsineq pisarluni.
Utaqqisut allattorsimaffianni killiffik paasiniarneqarsinnaavoq Innuttaasut Kiffartuussivimmut sianerluni imaluunniit ornigulluni.
Meeraq siusinnerpaamik arfineq marlunnik qammateqalerpat inissamik innersuunneqarsinnaavoq
Ulluunerani neqeroorutinut utaqqineq ulloq allatsiffimmiit agguaqatigiisillugu ima sivisussuseqarsinnaapput:
Meeraaqqerivinnut 0-2 ukiulik: qaammatit arfinillit tikillugu
Angerlarsimaffinni paarsisartutut aaqqissuussani 0-3 ukiulik: qaammatit arfinillit tikillugu
Meeqqerivimmut 3-5 ukiulik: qaammatit pingasut tikillugu
Atuareernerup kingorna ornittakkat 6-12 ukiulik: qaammatit marlut tikillugu
Sullissivikkut nammineq sullinneq
Nammineq sullissivimmut iserit.
Nammineq sullissinnaaniarlutit MitID atussavat.
Kommunep nittartagaa aqqutigalug nammineq sullinneq
Ulluunerani neqeroorutinut inissamik immersuiffisaq immersorneqasssaaq
Innuttaasunik Kiffartuussivinnut saaffiginninneq
Innuttaasunik Kiffartuussivinnut saaffiginnikkuit immersugassaq immersussavat, atsiussaatit tunniullugulu.
Neqeroorutiniititsiunnaarnermik nalunaarneq
Ulluunerani neqeroorutiniititsiunnaarniaraanni qaammammik ataatsimik sioqqutsilluni allakkatigut immikkoortortamut ilimasaareernikkut neqeroorutiniikkunnaartitsineq pissaaq. Ulloq nalunaarfimmiit aatsaat qaammatip tulliuttup qaammatip aallaqqaataani neqeroorutiniikkunnartinnera atuutsinneqassalluni.
Neqeroorutiniititsiunnaarneq ukunatigut pisinaavoq
Sullissivikkut nammineq sullinneq
Nammineq sullissivimmut iserit.
Nammineq sullissinnaaniarlutit MitID atussavat.
Kommunep nittartagaa aqqutigalug nammineq sullinneq
Neqeroorutiniititsiunnaarnermut immersuiffisaq immersorneqasssaaq
Immikkoortortamut Emaili aqqutigalugu nammineq sullinneq
Meeraq neqeroorutiniikkunnaartinnissaanik email-lerlutit nalunaaruteqarsinnaavutit uunga alim@sermersooq.gl
Innuttaasunik Kiffartuussivinnut saaffiginninneq
Innuttaasunik Kiffartuussivinnut ornigullutit saaffiginnikkuit immersugaq immersussavat, atsiussaatit tunniullugulu.