Timersoqatigiillu Kattuffiata akornanni

TUNULIAQUTAASOQ

Kommuneqarfik Sermersooq (KS) aamma Timersoqatigiit Kattuffiat (GIF) Kommuneqarfik Sermersuumi innuttaasut eqeersimaartumik pitsaasumillu inuuneqarnissaannik qulakkeerinninnissaq siunertaralugu pisussaaffilimmik suleqatigiinnissamik kissaateqarput. Tamatumunnga suliat akimorlugit ataatsimullu ataqatigiissaakkamik, peqataasut tamarmik ataatsimut siunnerfilimmik suleqatigiissutigisaannik, suliniuteqarnissaq pisariaqarpoq.

Kommuneqarfik Sermersuup Timersoqatigiit Kattuffiata 2030-mi Kalaallit Nunaata nunarsuarmi timimik aalatitsinerpaanissaanik takorluugaa periusissiaalu suleqataaffigalugit tapersersorusuppai. Tamanna pissappat, ingerlatseqatigiiffiit, peqatigiiffiit kiisalu pisortat namminersortullu suliffeqarfiisa assigiinngitsut akornanni ukkatarinnilluni suliniuteqarnissaq pisariaqarpoq.

Pinnguarneq, aalaneq, nuannaarneq, ataatsimoorneq pinngortitamilu misigisaqarneq qitiutillugit, innuttaasunut tamanut inuunerissaarnissamut pitsaasunik tunngavinnik timersornerup aalanerullu pilersitseqataasinnaanissaat Timersoqatigiit Kattuffiata Kommuneqarfik Sermersuullu upperivaat.

Kommuneqarfik Sermersuumi partiit suleqatigiit Timersoqatigiit Kattuffiata 2030-mi Kalaallit Nunaata nunarsuarmi timimik aalatitsinerpaalernissaanik takorluugaanik periusissiaanillu tapersersuinissaminnik suleqatigiissuteqarput. Taamaattumik Timersoqatigiit Kattuffiata periusissiaa meeqqerivinni, meeqqat atuarfianni, klubbini sammisassaqartitsivinnilu ilanngunneqartariaqarpoq eqeersimaartut amerlanerunerisa innuttaasut ilaqutariillu peqqinnerunissaat qulakkiissavaat. Timersoqatigiit Kattuffiata periusissiaa Kommuneqarfik Sermersuup Timersoqatigiillu Kattuffiata akornanni suleqatigiinnikkut aallartikkusunneqarpoq – ajornanngippat aallaqqaammut atuarfiit paaqqinnittarfiillu aalajangersimasut misiligutitut ingerlatsisoralugit, taamaalilluni misilittakkatut aallerfigisimasat atuarfinnut                              paaqqinnittarfinnullu sinneruttunut ingerlateqqinneqarsinnaaniassammata.

SIUNERTAQ

Suleqatigiinnissamik isumaqatigiissut tulliuttunik siunertaqarpoq:

  1. innuttaasut amerlanerusut timiminnik aalatitsisarnissaat annermillu meeqqat inuusuttullu amerlanerit eqeersimaartunik ataatsimoorfeqarnissaat – inuuniarnermikkut tunuliaqutit, innarluutit, suiaassutsit najugaqarfiillu apeqqutaatinnagit – qulakkeerneqassasoq.
  2. Kommuneqarfik Sermersuup sunngiffimmi inuunermik peqqinnartumik eqeersimaartumillu, innuttaasunut najukkami pissutsinut naleqqussagaasumik ilisarnaateqalernissaanut tapeeqataanissaq.
  3. Kommuneqarfik Sermersuumi meeqqerivinni, atuarfinni, AKO-ni klubbinilu meeqqat inuusuttullu ulluinnaanni timimik aalatitsinerup atugarissaarnerullu nalinginnaasunngornissaannik qulakkeerinninnissaq.

SULIASSAQARFIIT QITIUTINNEQARTUT

Suleqatigiinneq piffissami 2024 – 2027 atuutissaaq sivitsuinissamut periarfissaqarluni. Suliassaqarfinni qitiutinneqartuni toqqakkani pingasuusuni suleqatigiinneq aallaaveqarpoq:

  • Meeqqat, lnuusuttut Aalanerlu
  • Peqqinnartumik eqeersimaartumillu peqatigiiffilerineq
  • Atortorissaarutit aalanerulersitsisut

Suliassaqarfinni qitiutinneqartuni ataasiakkaani tamani suliniutaasinnaasut arlallit nassuiarneqarput, suleqataasulli tamarmik, aaqqiinerit, najukkani naleqqussaanerit kiisalu periarfissat aporfiilluunniit takkuttut naatsorsuutigisanut allannguisinnaasut eqqumaffigaat.

Taamaattumik suleqatigiinnissamik isumaqatigiissut allanngorartussatut, Kommuneqarfik Sermersuumi innuttaasunut timimik aalatitsinissamut ataatsimoorfeqarnissamullu pitsaanerpaamik naatsorsuuteqarsinnaanissamut ataatsimut anguniagaqarnermut tunngasutut isigineqassaaq.

(1)               MEEQQAT INUUSUTTUT AALANERLU

lnuunermi siusissukkut peqqissunik ileqqunik pilersitsineq peqqissuulluni inersimasuunissamut aqqutissiuisarpoq. Timimik aalatitsineq meeqqap ilikkagaqarnissaanut, peqqinneranut atugarissaarnissaanullu pingaaruteqarluinnarpoq, taamaattumik meeqqat inuusuttut aalanerlu suliassaqarfiuvoq qitiutinneqartoq siulleq.

Taassuma suliassaqarfittut qitiutinneqarnerani, atuarfitsinni meeqqerivitsinnilu meeqqat kiisalu klubbini inuusuttut, inuuniarnermikkut tunuliaqutaat atugaallu apeqqutaatinnagit ulluinnarni aalanerulernissaat sulissutigerusupparput. Meeqqanut inuusuttunullu avatangiisini qanitarisani aalanissamut  periarfissiinikkut,  timimik  aalatitsinerup  meeraaqqerivimmiilli  inuunerini na Iinginnaasuu11uinnarnissaanut qulakkeerinneqataassaagut.

lnersimasut meeqqap inuusuttullu eqqaaniittut peqataatinneqassapput, ulluinnarni aalasarnissaannik periarfissinneqarnissaat qulakkeerniarlugu. Meeqqanut Atuarfeqarnermullu lngerlatsivik meeqqerivinnut, atuarfinnut, klubbinut sammisassanullu neqeroorutinut toqqaannartumik attaveqarpugut. Timersoqatigiit Kattuffiat meeqqat inuusuttullu sunngiffimmi inuunerannut peqatigiiffilerinikkut attaveqarput, taamaattumillu suleqatigiinneq una suliassaqarfimmut qitiutinneqartumut tunngatillugu piviusorsiorpoq.

Meeqqeriviit eqeersimaartut

2022-mi Timersoqatigiit Kattuffiat Kommuneqarfik Sermersoorlu meeqqeriv1nni timimik aalatitsinerulernissamik suleqatigiissuteqarput. Tallimanik assigiinngitsunik sammisassartalimmik ukioqatigiiaanut naleqqussakkamik sammisassanut karsimik pilersitsisoqarpoq. Sammisassanut karsit ajornanngitsumik aalatitsillutillu timimik atuilluni sammisassaqartitsisinnaassapput, meeqqat

sulisullu peqataatillugit. Suliniut kommune tamakkerlugu aallartinneqareerpoq, meeqqanullu O – 6- inik ukiulinnut ulluunerani neqeroorutit tamarmik sammisassanut karsinik tunniussisoqareerpoq.

Timersoqatigiit Kattuffiat Kommuneqarfik Sermersoorlu ulluunerani neqeroorutini aqutsisut, perorsaanermi siunnersortit kiisalu peqqinnissamut aamma pitsaaliuinermut siunnersortit suleqatigalugit sammisassanut karsit pillugit ingerlaavartumik malitseqartitsisassapput. Kommuneqarfik Sermersooq sammisassanut karsinik pitsanngorsaanissamut kissaatinik atuutilersitsinissamik, nalilersuinissamik katersinissamillu akisussaasuuvoq. Timersoqatigiit Kattuffiat karsinik inniminniinermut pitsanngorsaanermullu akisussaasuuvoq.

Meeqqat atuarfianni aalaneq

Timersoqatigiit Kattuffiata Kommuneqarfik Sermersuullu suleqatigiinnerat ilikkagassatut anguniakkat nutaat tassaasut Timersorneq Silamiinnerlu, atuutilersinneqarnissaannik qulakkeerinnissaaq, matumani timersornermi ilinniartitsisut piginnaasanik ineriartortitsisinnaanissaat ilanngullugu.

Peqatigiiffiit timersornermik atuartitsinermi peqataatinneqalernissaat sulissutigineqarpoq, tassanilu timersoqatigiiffiit atuarfimmi ilinniartitsisut timersuutinik aalajangersimasunik ilinniartissinnaavaat. Timersoqatigiiffiit taamatuttaaq atuartut atuartinneqartalernissaannik aallartisaanermi taperseeqataasinnaavoq, taamaalillunilu ingerlatsinerup pitsaasuunissaanik qulakkeerinneqataasinnaalluni. Suliniut atuartitsinermi assigiinngitsunik neqerooruteqartitsissaaq taamatuttaarlu meeqqat inuusuttullu timersoqatigiiffinnut atassusissallugit, tamatumalu klubbimi aallartisarnissaat ajornannginnerulersissavaa. Suliniutip meeqqat inuusuttullu peqqissumik sunngiffimmi inuuneqarnissaat kiisalu kommunimi peqatigiiffinni ilaasortat amerlisinneqarnissaat qulakkiissavaa.

lnuuneritta 111-p ataani suleqatigiinni ilaanitsigut nuna tamakkerlugu suliniummi, meeqqat inuusuttullu – atuarfimmittaaq – timimik aalatitsisarnissaannik periarfissanik pitsanngorsaanissamik ukkatarinnittumi peqataanissatsinnut tapersersueqataanissatsinnullu periarfissanik ujartuissaagut. Suliniummi taama ittumi suleqatit tassaasinnaapput Paarisa, Center for Folkesundhed i Grønland

{Inuit peqqissusiat pillugu Danmarkimi ilisimatusarnermik ingerlatsisut}, HBSC Greenland (Health Behaviour in School-aged Children} aamma IDAN {Idrættens Analyseinstitut}. Suleqatissatut eqqaasat siusinnerusukkut attaveqaateqarfik Active Healthy Kids atorlugu Timersoqatigiit Kattuffiannik Kommuneqarfik Sermersuumillu suleqateqareernikuupput, Kalaallit Nunaanni meeqqat inuusuttullu akornanni timimik aalatsitsinermik misissuinermut, qulaajaanermut ukkatarinninnissamullu tunngasumik. lnernerit taakku aallaavigalugit kommunimi najukkami suliniummik atuarnerup nalaani, matumani ilaatigut timersornermi anitsiarfinni kiisalu atuartitsinerup nalaani aalasarnikkut aalanerulersitsinissamut annertusaaqataasinnaasumik misissuinissamik kissaateqarpugut.

(2)               PEQQINNARTUMIK EQEERSIMAARTUMILLU PEQATIGIIFFILERINEQ

Kommuneqarfik Sermersuumi peqqissumik pitsaasumillu peqatigiiffilerinikkut innuttaasut atukkat qanorikkaluarpataluunniit   ataatsimoorfimmi   tamanut   inissalimmi   peqataanissaminnut

periarfissinneqassapput.  Peqatigiiffilerineq timimik aalatitsinermik timersornermillu taamaallaat

neqeroorutaanngilaq, ataatsimoorfimmilli meeqqat inuusuttullu kinaassusiisa inooqatigiinnikkut attaveqarnerisa ineriartortinneqarnissaannik najoqqutassiisuuvoq. 1 laasortat ataatsimoornermik ilikkagaqassapput, tamatumanilu ataqatigiinneq, ikioqatigiinneq, tapersersoqatigiinneq ataqqeqatigiinnerlu pisariaqarnerinut. Naleqartitat inuuneq tamaat atorneqarsinnaasut, taamaattumillu innuttaasut ulluinnaannut aamma pingaarutillit. Peqatigiiffilerineq inuiaqatigiinnut pingaarutilerujussuuvoq taamaattumillu pitsanngorsarnissaa sulissutigissavarput.

Ullut tamaasa kajumissutsiminnik sulisartut peqatigiiffinni inuaqatigiinnilu ataatsimut isigalugu assut pingaarutilimmik atuuffeqarput. Kajumissutsiminnik sulisartut peqatigiiffinni toqqaannartumik sammisassanik aalanermillu pilersitseqataasarput. llaasortanut nuannaarnermik, misigisassanik pitsaasunik ataatsimoorfinnilu isumaqarluartunik tunniussisarput. Aaqqissuussamik timersorneq kajumissutsiminnik sulisartoqartinnagu ingerlanneqarsinnaanngilaq.

Kommuneqarfik Sermersooq Timersoqatigiillu Kattuffiat peqatigiiffilerinermik pitsanngorsaallutik suleqatigiikkusupput – matumani ilaatigut kajumissutsimik sulinermut tunngatillugu qarasaasiatigut atortunik ineriartortitsillunilu neqerooruteqarnikkut, taamaalilluni Kommuneqarfik Sermersuumi kajumissutsimik sulineq ajornannginnerulissammat.

Ataatsimoorluta Aalasa

Kommuneqarfik Sermersooq Timersoqatigiit Kattuffiata suliniutaata Ataatsimoorluta Aalasa – Timersornermi meeqqat inuunerinnerat nuna tamakkerlugu suliniutaasup meeqqat pisinnaatitaaffiinut tunngasup, meeqqanut inuusuttunullu tamanut toqqissisimanartumik peqataatitsisumillu timersortartuusinnaanermik qulakkeerinninnissamik siunertaqartup aallartisarneqarnissaanik tapersersuerusuppoq. Kommuneqarfik Sermersuup suliniut ataatsimik amerlanerusunilluunniit attuumassutilinnik attaveqaateqarnikkut kommunimilu aallartisaanermut akisussaasunik peqarnikkut tapersersorpaa.

Matumani NGO GAME Greenland suleqatigineqassaaq taassumalu playmakeritut ilinniarfia kiisalu pilersaarut tassunga atasoq. GAME Greenland NGO-juvoq namminersortoq sumulluunniit attuumassuteqanngitsoq aqqusinermi timersornermik ukkatarinnittoq. lngerlatseqatigiiffik meeqqat inuusuttullu atugarliortut periarfissaannik imminnullu isiginnittaasiannik pitsanngorsaanermik suliaqartarpoq. Playmakeritut ilinniarneq nuna tamakkerlugu suliniutaavoq inuusuttut 15-init 24-nut ukiullit kajumissutsiminnik peqataasut maligassiuisunngornissaannik ilinniartinneqarnissaannik kiisalu meeqqat inuusuttullu sumiiffinni atugarliorfiusuniittut aqqusinermi timersortinneqartarnissaannik siunertaqartoq.

Aammattaaq Ataatsimoorluta Aalasap ataani meeqqat inuusuttullu innarluutillit ukkatarineqarput. Matumani qanoq pitsaanerpaamik peqatigiiffilerinermi peqataatinneqarsinnaanerat ilanngullugu. Suliaqarneq pisariaqartitanik m1s1ssuineruvoq tassani neqeroorutinik amerlanerusunik pilersitsinissamut periarfissat ilanngullugit.

Taamatuttaaq peqatigiiffilerinermi niviarsiaqqanik peqataatitsinissaq ukkatarineqarpoq. Paasissutissat niviarsiaqqat nukappiaqqanit timersoqatigiiffinni takussaannginnerusartut takutippaat. Niviarsiaqqat nukappiaqqatuulli annertutigisumik timersoqatigiiffinni atuisooqqullugit niviarsiaqqat peqatigiiffilerinermi peqataanngitsut timersorneq pillugu kissaataat qulaajarusuppagut, aamma peqatigiiffilerinermi sammisassanik nutaanik ilanngussilluta kiisalu sungiusarnerup tamanut neqeroorutinngortinnissaanut qulakkeerinnittunik nutaanik aaqqissuussilluta.

Sammisassat

Timersoqatigiit Kattuffiat Kommuneqarfik Sermersoorlu ataatsimoorlutik sammisassat.gl-ip peqatigiiffinnut, sammisassanut, ilaasortanik nalunaarsuinernut peqatigiiffimmilu allaffissornikkut suliassat tamanut “ataatsimik saaffissaqarnissamik tunngavik”-tut atuutilersinneqarnissaanik ukkatarinnipput

Sammisassat qarasaasiakkut nittartagaavoq, Kalaallit Nunaanni peqatigiiffinnik tamanik, kommunini sorlermiinnerannik kiisalu sammisassat suut neqeroorutigineqarnerinik tamakkiisumik takussutissiisoq. Matumani innuttaasut najukkami neqeroorutinik attuumassuteqartunik atuuttunillu toqqaannartumik inniminniinissaminnut periarfissaqarput. Nittartagaliornermi siunertaavoq sunngiffimmi sammisassanik takussutissiissummik ersarinnerusumik ajornannginnerusumillu pilersitsinissaq tamanut peqqinnartumik imaqarluartumillu sunngiffimmi inuuneqarnissaq siuarsarniarlugu.

Sammisassat aalajangersimasunik sammisassaqartitsinerup pisussanullu allatsinnermut atatillugu peqatigiiffiit pingaarnertut nittartagarissavaat. Atortorissaarut peqatigiiffiit suliaannik, allaffissornikkut suliassat arlallit ataatsimoortinneqarnerisigut oqilisaasussatut atuuffeqassaaq. Kommuneqarfik Sermersuup Timersoqatigiit Kattuffiatuulli nittartakkat ataatsimut suliniutitut ineriartortinneqarnissaa tapersersorpaa.

Peqatigiiffinnik kajumissutsimillu sulinermik ineriartortitsineq

Kommuneqarfik Sermersooq Timersoqatigiillu Kattuffiat peqatigiiffinnik kajumissutsimillu sulinermik misissuititsiniarlutik suleqatigiipput, tassanilu peqatigiiffiit massakkut inissisimaffii, sakkussaat, pisariaqartitaat kissaataallu misissorneqassapput. Taamatuttaaq kajumissutsimik sulisartut suliaannik piumassusaannillu m1s1ssuisoqassaaq. Taassuma inerneri Kommuneqarfik Sermersuumi peqatigiiffilerinermik pitsanngorsaaniarluni ataatsimut suliaqarnermut atorneqassapput.

llaatigut peqatigiiffinnik kajumissutsimillu sulinermik misissuineq aallaavigalugu peqatigiiffiit piginnaasanik ineriartortitsinissamik neqeroorfigineqarsinnaapput assersuutigalugu ukunani:

  • Attaveqaqatigiinneq
  • Peqatigiiffilerineq pitsaasoq
  • Ataatsimuussutsip annertusarnissaa nukittorsarnissaalu

Timersoqatigiit    Kattuffiat    Kommuneqarfik   Sermersoorlu ataatsimut pilersaarusiornissamik suleqatigiissuteqarput.

piginnaasanik   ineriartortitsinissamik

Peqatigiiffinnut tapiissut

Kommuneqarfik Sermersooq nammineq tapiissutinut malittarisassaqarpoq Timersoqatigiillu Kattuffiat tapiissutinut atatillugu arlalinnik periarfissaqarpoq. Kommuneqarfik Sermersooq Timersoqatigiillu Kattuffiat peqatigiiffinnut marloriaammik akiliinissaq pinngitsoortinniarlugu ataatsimoorlutik ersarissuutitsinissamik qulakkeerinnissapput. Peqatigiiffiit siunertamut ataatsimut kommunimit Timersoqatigiillu Kattuffiannit marloqiusamik tapiissutisisinnaassanngillat.

1 laq utariittut sam m isaqaqatigiin neq

Inuit Ataqatigiit Naleqqallu akornanni Kommuneqarfik Sermersuumi Kommunalbestyrelsimi suleqatigiinnissamik isumaqatigiissutaat 2022-2025 naapertorlugu kommune tassaassaaq “ilaqutariinnut najugaqarfigissallugu nuannersoq”. Timersoqatigiit Kattuffiat Kommuneqarfik Sermersoorlu matumunnga atatillugu ilaqutariit tamarmik, inuuniarnermikkut tunuliaqutaat qanoq ikkaluarpataluunniit, ataatsimoorlutik aalasinnaanissaannut periarfissanik pilersitsinissamik kissaateqarput. lnersimasut meeqqap eqqaaniittut ulluinnarni maligassiuisutut atuuffeqarput, meeqqallu peqatigiiffilerinermi peqataaneranut ulluinnarnilu aalaneranut assut sunniuteqartarlutik. Matumani ilaqutariit nutseqqammisut meeqqallu atuartut angerlarsimaffianni aallartittussat aamma eqqarsaatigineqarput. Taakku tikilluaqquneqartassapput peqatigiiffilerinermilu periarfissat pillugit paasitinneqarlutik.

(3)               ATORTORISSAARUTIT AALANERULERSITSISUT

Timersornermut atortorissaarutit pitsaasut ullutsinnullu naleqquttut timimik aalatitsinerulernissamut piumasaqaataapput. Suleqatit arlallit peqatigalugit timersornermut atortorissaarutit, innuttaasut pisariaqartitaannut kissaataannullu naapertuuttut ineriartortinneqarnissaat kissaatigaarput. llutigalugu silamiinnermi aalanermut timimillu aalatitsinermut periarfissat ukkatarerusuppagut kiisalu kommune tamakkerlugu silami timersornermut atortorissaarutit sukisaarsaartarfiit sulissutigerusullugit.

Kommunalbestyrelsip 2022-2025-mut suleqatigiinnissamik isumaqatigiissutaanni kommune 11ilaqutariinnut najugaqarfigissal/ugu nuannersoq” ukkatarineqarpoq, matumanilu ilaqutariinnik peqqissunik pilersitsinissamut najoqqutassat amerlanerusut pitsaanerusullu kissaatigineqarput. Nuummi innuttaasut amerliartornerat ilutigalugu illoqarfimmi timersortarfinni inissaqarniarnikkut ajornartorsiortoqartalerpoq. Kommunimi ilaqutariinnik peqqissunik pilersitsinissamut najoqqutassat amerlanerit pitsaanerillu kissaatigineqarput. Taamatuttaaq kommune tamakkerlugu atortorissaarutit aalatitsinerulersinnaasut aserfallatsaalineqarnissaat nutarterneqarnissaallu assut pisariaqartinneqarpoq. Taamaattumik partiit isumaqatigiissuteqartut atortorissaarutinik pitsaasunik, kommunip ilaqutariinnut najoruminartuunissaanut najoqqutassiisussanik, pilersitsiortortoqassasoq pingaartippaat.

Timersornermut atortorissaarutit sumiiffiillu pinnguarfiit arlallit ullumikkut nungullarnikuupput ullutsinnullu naleqqunnatik. lnuiaqatigiit avatangiisiusut nikerarfiillu piffissap ingerlanerani ineriartorsimapput taamaattumillu ullumikkut siusinnerusumut sanilliullugu atortorissaarutitigut pisariaqartitat allaanerupput. Timersornermut atortorissaarutinik sumiiffinnillu pinnguarfinnik ullumikkut pisariaqartitanut naleqqussaanissamik pisariaqartitsisoqarpoq. Timersoqatigiit Kattuffiata Kommuneqarfik Sermersuullu atortorissaarutit ullutsinnut naleqquttuunissaat ataatsimut qulakkiissavaat. Matumani ingerlatsineq, sulisut, timersortarfiillu iluisa aaqqissuunneqarnerat ilaatigut ukkataralugit, kommunimi timersortarfiit pitsaanerpaamik atorneqarlutillu sammisassaqartitsivigineqartarnissaat qulakkeerlugu.

Taamatuttaaq suleqataasut innuttaasunut timi atorlugu angallannermut atugassarititat pitsanngorsarnissaannut periarfissat misissorusuppaat. Matumanilu pisariaqartitsinermik innuttaasullu kissaataannik kiisalu kommunimut alliartortumut aaqqiissummik siunissamut naapertuuttumik misissuisoqassaaq.

Timersoqatigiit Kattuffiat Kommuneqarfik Sermersoorlu timersornermut atortorissaarutinut, ingerlatsinermut, ineriartortitsinermut, nutarterinermut atuinermullu tulluuttunut ataatsimut periusissiussapput. Timersornermut atortorissaarutinut periusissiaq politikkikkut akuerineqassaaq kommunimilu timersornermut atortorissaarutinik ingerlatsinermik ineriartortitsinermillu aqutsinermut atortuussaaq.

Nammineq aaqqissuussamik sammisassaqartitsinissamut nunaminertat

Kommuneqarfik Sermersooq ukiuni kingullerni kommunimi sumiiffinnik sukisaarsaartarfinnik pilersitsiniarluni sulissuteqarsimavoq, suliamillu tassannga ingerlatitseqqikkusulluni. Taamaattumik Timersoqatigiit Kattuffiat suleqatigalugu nammineq aaqqissuussamik timersorsinnaanissamut sammisassaqartitsisoqarsinnaanissaanullu nunaminertanik amerlanerusunik pilersitsinissaq sulissutigineqassaaq.

Aqqusinermi timersornermut ingerlatseqatigiiffik GAME peqatigalugu ilaatigut Nuummi GAME Street Mekkamik najugaqarfinnilu allani GAME Street Hubinik, illoqannginnersani aqqusinermi timersornissamut namminerlu aaqqissuussamik sammisassaqartitsinissamut annertusiartortumik piumaneqartunik matussusiisinnaasunik pilersitsinissamut periarfissanik misissuissaagut taakkulu ukioq tamaat ingerlanneqarsinnaanissaannik qulakkeerinninniarluta. Game Street Mekka Hubbillu illup iluaniittut silamiittulluunniit illoqannginnersani aqqusinermi timersornermut namminerlu aaqqissuussamik sammisassaqartitsinermut atugassatut pilersinneqartut.

lnuusuttut atortorissaarutinik pilersitsinermi peqataatinneqassapput, piginneqataasutut misigititsinissaq qulakkeerniarlugu. Taamatuttaaq Kommuneqarfik Sermersuup Timersoqatigiillu Kattuffiata sumiiffinnik, meeqqat inuusuttullu nalinginnaasumik peqatigiiffinni peqataaneq ajortut tikilluaqqusaasutut sammisassanillu pisariaqartitsinerminnik matussusiiffigitinneqartutut misigiffigisinnaasaannik, pilersitsinissaq kissaatigaat.

SULEQATIGIINNEQ AAQQISSUUSSAANERLU

Kommuneqarfik Sermersuup Timersoqatigiillu Kattuffiata akornanni suleqatigiinnissamik isumaqatigiissut kommunalbestyrelsemit akuerineqarpoq, Inuit Ataqatigiit Naleqqallu Kommuneqarfik Sermersuumi Kommunalbestyrelsimi 2022-mit 2025-mut politikkikkut suleqatigiinnissamik isumaqatigiissutaat innersuussutigalugu.

Suleqatigiinnissamik isumaqatigiissummut pingaarnertut aqutsisooqatigiinnik pilersitsisoqarpoq, Meeqqanut Atuarfeqarnermullu lngerlatsivimmit {MA) Timersoqatigiillu Kattuffiannit {GIF) sinniisulimmik. Aqutsisooqatigiit suleqatigiinnissamik isumaqatigiissummi suliniutit ingerlaarnissaannik pingaarnertut akisussaasuussapput ingerlaavartumillu tamanna pillugu ilisimatinneqartassallutik.

Allaffissornikkut aqutsisooqatigiit ukuupput:

  • Pisortaq, Meeqqanut Atuarfeqarnermullu lngerlatsivik
  • Pisortaq, Timersoqatigiit Kattuffiat

Aqutsisooqatigiit Meeqqanut Atuarfeqarnermullu Ataatsimiititap Timersoqatigiillu Kattuffianni siulersuisut, ingerlaavartumik ilisimatinneqartartussat ataanni inissisimassapput.

Suliniummi aqutsisoq suleqatigiissitarlu

Meeqqanut Atuarfeqarnermullu lngerlatsivik {MA) suliniummi pingaarnertut aqutsisussamik, Meeqqanut Atuarfeqarnermullu lngerlatsivimmi Timersoqatigiillu Kattuffianni suleqatigiissitamik suliniummilu ataqatigiissaarisunik suleqateqarluni suleqatigiinnissamik isumaqatigiissutip atuutilersinneqarnissaanik akisussaasuusussamik, toqqaassaaq.

Suleqatigiissitaq

Suleqatigiissitamik Meeqqanut Atuarfeqarnermullu lngerlatsivimmit Timersoqatigiillu Kattuffiannit sinniisulimmik pilersitsisoqassaaq.

Suleqatigiissitaq ukuninnga inuttaqassaaq:

  • Meeqqanut Atuarfeqarnermullu lngerlatsivimmi Sammisassaqartitsinermut immikkoortortaqarfimmi Fagchefi
  • Meeqqanut Atuarfeqarnermullu lngerlatsivimmi lneriartortitsinermut pisortaq
  • Suliniummi aqutsisoq
  • Timersoqatigiit Kattuffiannit sinniisoq

Suliniummi ataqatigiissaarisut

Tamatumunnga  isumaqatigiissummi  ukkatarisanut  tamanut  suliniummi  ataqatigiissaarisumik

toqqaasoqassaaq, matumanilu Kommuneqarfik Sermersooq Timersoqatigiillu Kattuffiat sulisut tungaasigut tapersiissapput.

  • Meeqqat inuusuttullu aalasut: Kommuneqarfik Sermersooq suliniummi ataqatigiissaarisumik toqqaassaaq
  • Peqqinnartumik      eqeersimaartumillu       peqatigiiffilerineq:       Kommuneqarfik      Sermersooq suliniummi ataqatigiissaarisumik toqqaassaaq
  • Atortorissaarutit           aalanerulersitsisut:           Timersoqatigiit          Kattuffiat         suliniummi ataqatigiissaarisumik toqqaassaaq

Ukkatarisani tamani suliniut pineqartoq apeqqutaatillugu suleqatigiinnik pilersitsisoqartassaaq. Suleqatigiit Meeqqanut Atuarfeqarnermullu lngerlatsivimmi Timersoqatigiillu Kattuffiannit suleqatiniillu assersuutigalugu Paarisamit sinniisunik suleqatiserineqarsinnaasunik inuttaqartassapput.

ANINGAASAQARNEQ

Suleqatigiinnissamik isumaqatigiissummi suliniutit Timersoqatigiit Kattuffiata Kommuneqarfik Sermersuullu missingersuutaasa i Iuini piviusunngortinneqarsinnaanngikkaangata, aningaasaateqarfinnut imaluunniit Kommuneqarfik Sermersuumi Timersoqatigiillu Kattuffiata ukiumoortumik            missingersuusiornerannut atatillugu aningaasaliissutinik aningaasaliissuteqaqqittoqarnissaanik qinnuteqartoqartassaaq. Kommuneqarfik Sermersuumi aalajangiisinnaatitaaneq Kommunalbestyrelsimiippoq. Timersoqatigiit Kattuffiata Kommuneqarfik Sermersuullu suleqatigiinnissamik isumaqatigiissummi suliniutit assigiinngitsut aningaasaliiffigineqarnissaannik qulakkeerinninnissaq ataatsimut sulissutigissavaat.

NITTARSAANEQ

Suleqatigiinnissamik isumaqatigiissut najukkami nunalu tamakkerlugu tusagassiutitigut tamanut saqqummiunneqassaaq ingerlateqqinneqarlunilu. Suleqatigiinnissamik isumaqatigiissut GIF.gl-imi immikkut ukkatarineqassaaq. Taamatuttaaq suleqatigiit akornanni ingerlaavartumik nittarsaasarnissaq isumaqatigiissummillu eqqartuisarnissaq isumaqatigiissutigineqarpoq kiisa I u ataatsimut nittarsaaqatigiinnissamik pilersaarusiortoqarpoq isumaqatigiissutilI u atuunnera tamakkerlugu tamatumunnga missingersuusiortoqarluni.

ISUMMERSUUTIT

Kommuneqarfik Sermersuumi innuttaasunut timimik aalatitsinerunissaq, timikkut eqqarsartaatsikkullu peqqinnerunissaq inuunerissaarnissall u siuarsarneqarnissaa siunertaralugu, ataatsimoorussamik suliniuteqarnissamut tunngaviliinissamut suleqatigiinnissamik isumaqatigiissut qulakkeerivoq. Suleqatigiinneq suliniutinik pilersaarusiukkanik annertunerusunik, inuiaqatigiinni innuttaasut kommunillu akornanni qanimut suleqatigiinnerunertalimmik ammaassivoq taamatullu

Timersoqatigiillu Kattuffiata akornanni