Kommuneqarfik Sermersuumi ilinniartuunissanni nutaamik ilikkagaqarnissannut alapernaaserlutillu piareeqqavit? Kommuneqarfik Sermersuumi ineriartortitsineq suleqatigiinnerlu pillugit sunniuteqarnissannut peqataarusuppit? Taamaappat maani suliffimmik misiliinissannut qinnuteqarsinnaavutit.
Kommuneqarfik Sermersooq Kalaallit Nunaanni suliffeqarfiit annerit ilagivaat. Kommunimi suleqatigiligassatit 2.500-t sinnerlugit amerlassuseqarput. Suleqatit inuiaqatigiit pillugit ullut tamaasa pingaarutilinnik suliaqartut. Taamaattumik tulluusimaarutigalugu ataatsimoortut suliffiup avatangiisaanik eriaginnittut innuttaasunillu pitsaanerpaamik ataqqinaatigalugu kiffartuusserusuttut akornanniilissaatit.
Suliffimmi misiliisutut nalinginnaasumik immikkoortortaqarfimmi aalajangersimasumi suleqatigiinnut ilaalissaatit. Ilinniakkat apeqqutaatillugu suliassanut tunngasut suliarissavagut, taamaalilluni sulianut tunngasuni ineriartornissat piginnaasassaqalernissallu ilinniakkannut naapertuunniassammata.
Taamatuttaaq ilinniakkannut naapertuuttumik piffissaligaasumut suliniummut aalajangersimasumut suliaqarnissat aaqqissuunneqarsinnaavoq.
Akissarsiaqaatigalugu suliffimmi misiliisortavut
Suliassaqarfinni ukunani ilinniartunik suliffimmi misiliisunillu sulisoqartarpugut:
- TNI
- Inuussutissalerinermi ikiorti/sullissisoq
- Peqqissaanermi sullissisoq
- Aaqqissuussinermut ataqatigiissaarisoq
- AU – IHM, AU – ITL aamma AU – ØR
- Tusagassiortoq
Siuliini pineqartut Ilinniartunut atuartunullu Naalakkersuisut, Finansministeriaqarfiup aamma Sulinermik Inuussutissarsiuteqartut Kattuffiata akornanni isumaqatigiissutaat malillugit akissarsiaqartinneqarput. Aamma Namminersorlutik Oqartussani, Tele Greenland A/S-imi, A/S Inissiaatileqatigiiffimmi aamma Kommunini ilinniagartuutut ilinniartunut akissarsiarititat atorfininnermilu atugassarititaasut pillugit malittarisassat.
Siuliini ilinniakkanut taaneqartunut qanoq suliffimmi misiliffissannut qinnuteqassavit
Ilinniartutut suliffimmi misiliisutullu inuttassarsiuussagut tamarmik sulisussarsiornertut saqqummiunneqartarput, nittartakkatsinni www.sermersooq.gl
Ilinniartutut suliffimmi misiliisutulluunniit qinnuteqarnissat kajumigigukku saqqummiussamut pineqartumut qinnuteqaammik nassiussissaatit.
Tamassuma saniatigut ilinniarnerit sammiviini ataaniittuni sulinermik misiliinissamik periarfissaqarpoq.
- Inunnik isumaginninnermi siunnersorti
- Inuiaqatigiilerineq
- Inuussutissarsiutit aningaasaqarnerat
- Nutserineq oqaluttaanerlu
- Peqqissaasoq
- Inatsisilerineq
- Ilinniartitsisut
- Kulturi inuiaqatigiillu oqaluttuarisaanerat
- Oqaasilerineq, atuakkialerineq tusagassiuutilerinerlu
- Tarnip pissusaanut tunngasut
- Isumaginninnermi assistentit, ikiorti, perorsaasoq
- Meeqqat atuarfianni atuartut sulinermik misiliisutut
Siuliini ilinniarfinni taaneqartuni ilinniartut Namminersorlutik Oqartussanit ilinniagaqarnersiuteqartinneqartarput.
Suliffimmi misiliinissamut qinnuteqarnissat kajumigigukku qinnuteqaammik Sulisoqarnermut Immikkoortortamut nassiussissaatit hr@sermersooq.gl
Ingerlaqqiffiusumik ilinniarfiit aamma immikkut allaaserinnittut (specialeforløb)
Suliffimmi misiliiffissarsiorpit, assersuutigalugu ingerlaqqiffiusumik ilinniarnernut atatillugu Kommuneqarfik Sermersuumi ilinniarnernut naleqquttumik immikkoortortaqarfimmilu atorfeqarfigisanni aalajangersimasumik sulianik naammassinnittarlutit.
Ilinniartutut ikiortitut suliffimmik pilerinartumik neqeroorfigisinnaavatsigit, illit cv-nut iluaqutaasussamik aamma attaveqaateqalissaatit misilittagaqalerlutillu, inuuninni sulinissannut atorfissaqartittuagassannik. Soqutiginninnikkut Sulisoqarnermut Immikkoortortaq attavigineqassaaq HR@sermersooq.gl Pitsaanerpaamik misigisaqarnissat anguniarlugu Kommuneqarfik Sermersoorlu pitsaanerulersinniarlugu ilinnut ilinniakkannullu tunngasut paasisaqarfigerusuppagut.
Tamatuma saniatigut ilinniartutut immikkut allaaserinninnermut atatillugu suliffeqarfimmik Kommuneqarfik Sermersuutut ittumik suleqatissarsiussaguit tusarfigerusuppatsigit. Immikkut allaaserinninneq pillugu ilinniartunik suleqateqarneq nutaanik isumassarsiffiusinnaasutut, isummersortitsisinnaasutut kiisalu sulisunut innuttaasunullu iluaqutaasinnaasunik ineriartuutissatut periarfissatsialattut isigaarput. Taamaattumik immikkut allaaserinnittussaaguit suliffeqarfimmillu uatsitut ittumik suleqateqarnissat soqutigigukku assut tusarfigerusuppatsigit.
Suliffimmi misiliiffissat
Kommuneqarfik Sermersooq illoqarfinni Nuummi, Paamiuni Tasiilamilu suliffimmi misiliiffissanik peqarpoq.
Taakkununnga arlaannut suliffimmi misiliinissannut soqutiginnikkuit qinnuteqaatinni qullermi illoqarfik qinnuteqarfigisat allassavat.
Apeqqutit
Apeqqutissaqaruit imaluunniit paasissutissanik suli pisariaqartitsissaguit taava Sulisoqarnermut Immikkoortortaq saaffigineqarsinnaavoq.
E-mail: hr@sermersooq.gl
Tusarfiginissat qilanaaraarput.