Suliffeqarfiup iluani kiffartuussineq

Pillugu: Illu aallartisarfik

Justus Hansen

Asasara Kommunalbestyrelsimut ilaasortaq, Justus Hansen.

Siullermik apeqqutinnut qujanaq.

Ulloq 19. Oktoberi 2019-imi pisortaqarfimmut apeqqummik nassiussivutit ”Kommuneqarfik Sermersuumi Illu aallartisarfik” pillugu. Suliffeqarfimmi Kiffartuussiviup apeqqutit ukuusut tiguai:

  1. Firma-t pilerseriigaappat?
  2. Nutaavallaanngillat?
  3. Illiua toqqaannartumik aqutsisuusoq aamma kina isissanersoq?
  4. Utaqqisoqarpa?
  5. Qanoq sivisutigisumik taakaniittoqarsinnaava?
  6. Attartuinissamut akii?
SK

The administration's answer

Asasara Justus,

Qujanaq saaffiginnikkavit.

Sermersooq Business Councilip illu aallartisarfik Kommuneqarfik Sermersooq sinnerlugu ingerlappaa.

Illu aallartisarfiup massakkut ukua attartuisorivai:

  1. Filmiliortarfik
  2. Foodlab
  3. Kaffivik
  4. H Design
  5. Karitas production.

 

  1. Firma-t pilerseriigaappat?

Nalinginnaasumik suliffiit aallarteqqammersut pineqarput, tamanullu ilisarnaataasoq tassaavoq pilersitsisutut taasassaanerat. Illumi inissarsinissamut pingaartumik aalajangiinermi tunngaviuvoq ingerlatsiviup suliffinnik allanik unammisutut nalilersimannginnissaa. Uani SBS-ip ulluinnarni aqutsisui pisortaqarfik peqatigalugu suleqatigiinnerisigut nalilersuisarput. FoodLab Illu aallartisarfillu tamatumunnga attaveqanngillat, pissutigalugu suliniutaammata pisortatigoortumik tapersersukkat. Suliniutit assigiissutigivaat aallarnisaasunut iluaqutaasinnaasunik sinaakkuteqarnerat.

  1. Nutaavallaanngillat?

Apeqqutip pingajuata akissutitaanut innersuunneqarpoq.

  1. Illiua toqqaannartumik aqutsisuusoq aamma kina isissanersoq?

SBS-ip ulluinnarni aqutsisui kikkut illu aallartisarfimmi inissaqassanersut SBC-imi aqutsisoqarfiup innersuussutaa tunngavigalugu toqqaasarput. Suliffik inissarserusuttoq pillugu suliffiup qinnuteqaatimi nassiussaa aallaavigalugu toqqaasumik nalilersuisoqartarpoq.

  4. Utaqqisoqarpa?

Massakkut illumut utaqqisoqarpoq. Suliffiit tallimat utaqqisut allattorsimaffiani allassimapput.

  1. Qanoq sivisutigisumik taakaniittoqarsinnaava?

Attartuisut aallaavittut ukiuni pingasuni init attartorsinnaavaat. Kisianni illuliami attartornermut isumaqatigiissut februaarimi 2021-mi qaangiutissaaq. Taanna pissutigalugu februaari 2021 qaangerlugu attartornissamut isumaqatigiissuteqartoqarneq ajorpoq. Illu aallartisarfimmi pilersaarusiamik suliaqartoqarpoq, kommunimullu siunissami qanittumi nassiunneqarumaarluni.

  1. Attartuinissamut akii?

Illu aallartisarfimmi ineqarnermut akiliut agguaqatigiissillugu 1/3-iuvoq, inimut assingusumut niuernermik ingerlatsisarnikkut aallaaviusumik attartorneqartartumut akiulluni.

Akit imannak isikkoqarput:

Ini 1  2.418,36 kr

Ini 2  2.418,36 kr

Ini 3  2.418,36 kr

Ini 4  2.842,86 kr

Ini 5  7.256,25 kr

Ini 6  7.256,25 kr

Ini 7  7.256,25 kr

 

 

Inussiarnersumik Inuulluaqqusillunga

Lars Møller-Sørensen

Kommunip direktøria

KommuneqarfikSermersooq