Lone Rosengreen Pedersen ·
Lone Rosengreen Pedersen
Asasara kommunalbestyrelsimut ilaasortaq, Lone Rosengreen Pedersen.
Siullertut apeqqutinnut qujanaq.
Ulloq 19.september 2019-imi Nuup Bussii A/S pillugu allaffeqarfimmut apeqquteqarlutit nassiussivutit.
Sanarfinermut Avatangiisinullu Ingerlatsivik apeqqummik tigusivoq, ima allassimasumik:
1) Kommuneqarfik Sermersuup Nuup Bussii A/S-illu kiffartuussinissamik isumaqatigiissutaat takorusullugu piumasaqarpunga, meeqqat atuartut bussinut ikissutissaasa aaqqiissuteqarnermut tunngasorpiaq pillugu.
Atuartut bussinut ikissutissaasa aaqqiissutigineqarnerat pillugu apeqquteqarninnut tunuliaqutaavoq, oqallisigineqarsinnaanersorlu paaserusullugu.
The administration's answer ·
The administration's answer
Sanarfinermut Avatangiisinut Ingerlatsivik tamanna pillugu ima akissuteqarpoq:
Asasara Lone,
Qujanaq apeqquternut.
Ulloq 19. september, Kommuneqarfik Sermersuup bussinillu ingerlatseqatigiiffiullu Nuup Bussii A/S-ip kiffartuussinermi isumaqatigiissutaat takorusullugu piumaffiginnipputit. Saaffiginnissutit bussinut ikissutissanut aaqqiissummut qanimut takorusutaqarninnut tunngavoq.
Allaffeqarfiup kiffartuussinermut isumaqatigiissut atuagassanngorlugu ilannguppaa. Bussit ingerlasarneri pillugit, Kommuneqarfik Sermersuumi ukiumi missingersuussiorfiusumi 2017-imi 1.444 koruunit atuartumut ataatsimut aammalu ukiumi 2019-imi 1.482 koruunit atuartumut ataatsimut isumaqatigiissummi ilaatinneqarput.
Inussiarnersumik inuulluaqqusillunga
Hans Henrik Winther Johansen
Sanarfinermut Avatangiisinullu Ingerlatsivimmi Pisortaq