Dorthe-Marie Mogensen-Fontain ·
Dorthe-Marie Mogensen-Fontain
Meeqqanut Atuarfeqarnermullu Ingerlatsiviup apeqquteqaatit tiguaa imaattoq:
” Meeqqerivimmi Mikemi utaqqisut qassiuppat qaammat december 2023 aammalu Januar 2024? Aammalu meeraaqqerivimmiit meeqqerivimmut nuuttussat utaqqisinneqartut qassiuppat?”
The administration's answer ·
The administration's answer
Asasara Kommunalbestyrelsimut ilaasortaq, Dorthe-Marie Mogensen-Fontain (S)
Siullermik apeqqutigisannut qujanarujussuaq.
Ulloq 22. januaari 2024 “Meeqqerivimmi utaqqisut qassiuppat” pillugu allaffeqarfitsinnut apeqquteqaateqarputit.
Meeqqanut Atuarfeqarnermullu Ingerlatsivik ima akivoq:
Asasarput Dorthe-Marie Mogensen-Fontain,
Qujanaq apeqquteqaammut nassiussannut.
Meeqqerivik Mike meeqqanut 51-nut inissaateqarpoq. Ulloq mannamut 51 allatsissimapput. Decembarimi 2023 meeqqerivimmut marluk aammalu januaarimi 2024 utaqqisut pingasut, ingerlatsivimmit paasissutissiissutigineqarpoq. Taakku saniatigut meeraaqqerivik Meeraq-mit meeqqat sisamat, meeqqerivimmut nuunnissaminnut piareersut nalunaarutigineqarpoq.
Ingerlatsivimmittaaq ilanngullugu nalunaarutigineqarpoq meeqqat 15 meeqqerivimmeersut aggustimi atualertussaasut. Takkua apriilip ingerlanerani SPO-mut allatsinneqarumaarput. Imaappoq, meeqqat pingasut utaqqisuniittut aammalu meeqqat sisamat meeraaqqerivimmeersut allatsikkumaarput, meeqqat meeqqerivimmiittut SPO-mut nuuppata.
Inussiarnersumik inuulluaqqusilluta
Lone Nukaaraq Møller
Meeqqanut Atuarfeqarnermullu Ingerlatsivimmi pisortaq