Mala Høy Kuko ·
Mala Høy Kuko
Asasara kommunalbestyrelsimut ilaasortaq, Mala Høy Kúko
Siullermik apeqqutigisannut qujanarujussuaq.
Februaarip 2-ni 2019 allaffeqarfimmut apeqquteqarputit Kuummiini aalisartut tamaani eqalussuit ajornartorsiutaanerat pillugu kommunimiit akissuteqarfigineqarnissannut nukingisaaralutit.
Apeqquteqarninnut tunngavigivatKuummiini aalisartut aggustip 2018-imili kommunimut ikioqqullutik allagaqarsimammata, eqalussuit ajornartorsiutaanerat pissutigalugu. Aalisartut apeqquteqaateqarnerminni eqqaavaat, aalisakkanik tunisinerminnit iluanaarluarsinnaagaluarlutik, Kuummiit kangerluannik eqalussuaqarpallaanngitsuuppat, eqalussuillu pissutaallutik aalisaannarsinnaajunnaarlutik. Aalisartut ningittakkaminnik kivisitsigaangata akunnerup ataatsip ingerlanerinnaani eqalussuit ningittakkat kipisarpaat, taamaattumillu aalisartut ikioqqullutik saaffiginnipput.
Ikioqqulluni il.il. saaffiginninnerit tamarmik allakkatigut ingerlanneqarput aammalu allakkatigut saaffiginnissuteqarsimasut tamarmik atorfilinnit akineqarnissartik naatsorsuutigaat. Taamaattumik illit kommunalbestyrelsimut ilaasortatut paaserusuppat, sooq Kuummiini aalisartut ikioqqullutik saaffiginnimmata akissuteqarfigineqarsimannginnersut, allakkat nassiunneqarmata qaammatiy arlalissuit qaangiutereermata. Aalisartut kissaatigaat akissuteqarfigineqarnissaminnut pilersaarummik nassinneqarnissartik, taamaattumik peqartoqassappat.
The administration's answer ·
The administration's answer
Kommuneqarfiup apeqqutit suliarereerpaa, nalunaarutigisinnaallugulu Kuummiini aalisartut kommunimut saaffiginnissuteqareersullu eqalussuit pillugit inatsit misissorneqarsimasoq, tamannalu pillugu inatsiseqanngitsoq paasineqarsimasoq.
Namminersorlutik Oqartussat attaveqarfigisareerlugit Kommuneqarfik Sermersooq Kuummiini kommunip allaffiata immikkoortortaanut allagaqarpoq, aalisartunullu akissuteqarluni taakkua Sermersooq Business Council attavigisinnaagaat, ataatsimoorlutillu aaqqiissutissamik ujartuissasut.
Kommunip ajuusaarutigaa Kuummiini aalisartut kommunimit akissutisisimanngimmata. Akissuteqaat kommunip allaffiata immikkoortortaanut nassiunneqarsimavoq nalunaarutigalugu aalisartunut apuunneqassasoq, aalisartut namminneq najukkatik allakkami allassimanngimmatigit.
Inussiarnersumik inuulluaqqusillunga
Lars Møller-Sørensen
Kommunaldirektøri